Ta nemi a raba aurenta, saboda rashin soyayya da kulawar mijinta

Wata matar aure, Suwaiba Maɗauci, a ranar Talata, ta garzaya wata kotu mai daraja ta ɗaya da ke Kubwa, inda ta nemi a raba aurenta da mijinta Abdullahi Maƙarfi, saboda rashin soyayya da kulawa. Shekaru huɗu da aurensu.

Madauci ta ce ta auri Maƙarfi ne a shekarar 2020 kamar yadda dokar Musulunci ta tanada.

Mahaifiyar ɗaya, ta zargi Maƙarfi da rashin biya mata buƙatunta.

“Na fara samun matsala da mijina jim kaɗan bayan mun yi aure saboda rashin jituwar mu.

Muna zaune a ware tun Satumba 2022, ”in ji Maɗauci. Ta buƙaci kotu da ta raba auren a kan dalilin da ya sa kuma ta hanyar “Khuli”.

KU KUMA KARANTA: Ana tuhumar wani Malami da auren mata 75

Khuli wata hanya ce da mace za ta iya neman saki daga mijinta a Musulunci, ta hanyar mayar da sadaki da duk abin da ta samu a lokacin rayuwarsu tare, ko kuma ba tare da mayar da komai ba, kamar yadda ma’aurata ko alƙali suka yi ittifaqi.

Tun da farko, lauyan mai shigar da ƙara, Abu Suphian, ya sanar da kotun cewa an kai wa wanda ake ƙara sammacin kotun kuma yana sane da ranar da za a saurari ƙarar.

“Wanda ake ƙara ya ce ba zai iya tilasta shi zuwa kotu ba,”

Suphian ya shaida wa kotun shi duk da haka, ya bayar da misali da doka ta 9 ta 1 na dokokin shari’a na kotun yankin da ta ce kotu na iya ci gaba da gudanar da wani lamari idan wanda ake ƙara ba ya nan.

“Mai ƙarar a shirye take ta biya sadakin N100,000 da aka biya yayin ɗaurin auren,” in ji Suphian.

Ya ce Khuli ya samo asali ne daga aya ta 229 a cikin Alƙur’ani inda ya ce: “Idan kun ji tsoron ba za ku iya kiyaye iyakokin da Allah ya tsara ba, to babu laifi ga ɗaya daga cikinsu a cikin abin da ta bayar na samun ‘yanci.”

Sai dai alƙalin kotun, Ibrahim Rufa’i, ya ɗage ci gaba da sauraron ƙarar har zuwa ranar 21 ga watan Agusta domin yin jawabi na ƙarshe.