NiMet ta yi hasashen tsawa, ruwan sama a wasu jihohin arewa

Hukumar Kula da Yanayi ta Najeriya (NiMet) ta yi hasashen cewa za a kwashe kwanaki uku ana samun gajimare, ruwan sama da kuma tsawa a faɗin kasar daga ranar asabar zuwa kitinin.

NiMet ta ce za a yi gizagizai a ranar asabar, 12 ga watan Agusta, tare da tazarar hasken rana a yankin arewa da kuma yiwuwar afkuwar tsawa da sanyin safiya a jihohi irin su Kebbi, Adamawa da Taraba.

Ana sa ran za a yi tsawa a ware a wasu sassan Borno, Adamawa, Taraba, Bauchi da Gombe a gobe Asabar.

Hukumar ta yi hasashen za a yi hadari a yankin arewa ta tsakiya inda ake hasashen za a yi ruwan sama da tsawa a sassan babban birnin tarayya Abuja da Nasarawa da Neja da kuma Kwara da safe.

KU KUMA KARANTA: Cibiyar ƙwararru ta haraji ta karrama NIMASA

Ana sa ran samun iska a cikin jihohin Kudu da na bakin teku da safe tare da yiwuwar samun ruwan sama na wucin gadi a sassan Ogun, Oyo, Lagos, Enugu, Imo, Anambra, Abia, Cross River, Akwa Ibom, Bayelsa, Ribas da kuma  Jihar Ebonyi.

Nimet ya kuma ce za a yi ruwan sama na tsaka-tsaki a wasu sassan Legas, Ekiti, Edo, Ondo, Oyo, Ogun, da Delta da kuma hasken rana a yankin Arewa da ake sa ran za a yi aradu a sassan Kebbi, Sokoto da Zamfara.  Ana hasashen tsawa a sassan Bauchi, Borno, Gombe, Borno, Taraba, da Adamawa.

Yayin da aka bukaci kamfanonin jiragen sama da su yi amfani da rahotannin yanayi da sanarwar lokaci-lokaci daga kamfanin NiMet don tsara yadda za su gudanar da ayyukansu, an shawarci ‘yan Najeriya da su lura da matsakaicin ruwan sama wanda zai iya haifar da ambaliya.

An bukaci masu kula da haɗurran da bala’o’i da hukumomi da daidaikun jama’a da su tashi tsaye wajen daƙile asarar rayuka da dukiyoyi a lokacin damina.