Gwamnatin Najeriya ta ƙara kuɗin wutar lantarki ga rukunin kwastomomin da suka fi samun wuta, waɗanda ake ƙira Band A customers a turancin Ingilishi.
Band A su ne rukunin kwastomomi da suke samun wutar lantarki ta aƙalla awa ashirin a kowace rana.
A yayin da yake yi wa manema labarai jawabi a Abuja ranar Laraba, shugaban hukumar da ke sanya ido kan harkokin lantarki ta Najeriya (NERC), Musliu Oseni ya ce yanzu kwastomomin za su riƙa biyan ₦225 kan kowane kilowat na wuta da suka sha maimakon ₦66 da suke biya a yanzu.
KU KUMA KARANTA: Ministan Lantarki na Najeriya ya yi barazanar ƙwace lasisin kamfanonin rarraba wuta
Oseni ya ce waɗannan kwastomomi su ne kashi 15 na mutum miliyan 12 da suke amfani da lantarki a faɗin Nijeriya.
Ya ƙara da cewa wannan sabon ƙarin kuɗin lantarki ba zai shafi sauran kwastomomi ba.
A watan Janairun da ya gabata, hukumar NERC ta ce gwamnatin Nijeriya za ta kashe kimanin N1.6 tr domin biyan tallafi kan kuɗin lantarki da za a bai wa ƴan ƙasar a shekarar 2024.
