Sample Page Title

Ana zargin wani mutum mai suna Atumu Treasure wanda ake wa laƙabi da Oluwa Benz Richer, da dukan wata budurwarsa mai suna Peace saboda ta ƙi aurensa.

An bayyana cewa, masoyan sun rabu ne na watanni shida da suka gabata a garin Irri da ke ƙaramar hukumar Isoko ta kudu a jihar Delta.

A cewar wani mai fafutukar kare haƙƙin ɗan Adam, Israel Joe, wanda ya bayyana labarin a shafinsa na Instagram, mutumin ya shiga gidan Peace, inda ya kulle ƙofa, ya fara dukanta, da shaƙe ta saboda ta ƙi aurensa.

Joe ya ce, maƙwabta ne suka ji kukan matar, suka cece ta daga tsohon masoyin nata kuma suka kama shi.

KU KUMA KARANTA:Budurwa tayima saurayin ta duka bayan ta kamashi da mamanta, a Abuja

Ɗan gwagwarmayar ya yi kira ga kwamishinan ‘yan sandan jihar Delta, Ari Mohammed Ali, domin tabbatar da an gurfanar da wanda ake zargin a gaban kotu, yana mai cewa ana tattauna bada belin shi a ofishin ‘yan sanda na Oleh.