Kamfanin dillancin labarai na Anadolu ya bayar da rahoton a ranar Juma’a cewa, an yanke wa wani ɗan ƙasar Turkiya da ya yi gudun hijira zuwa Albaniya tare da ‘yan uwansa biyu hukuncin ɗaurin shekaru 11 a gidan gyaran hali.
Masu gabatar da ƙara sun buƙaci da a yanke wa shugaban Thodex Faruk Fatih Ozer, mai shekaru 29, hukuncin ɗaurin shekaru 40,562 a gidan yari, bisa samunsa da laifin almundahana da zamba da kuma kafa ƙungiyar masu aikata laifuka.
Anadolu ya ruwaito Ozer yana shaidawa kotun cewa “Idan da zan kafa ƙungiyar masu aikata laifuka, da ban yi abin burgewa ba.”
Kafofin yaɗa labaran Turkiyya sun ce, ‘yan uwansa guda biyu, Serap da Guven, sun samu irin wannan hukunci, wanda aka yanke da yammacin Alhamis bayan wata ‘yar gajeruwar shari’a.
KU KUMA KARANTA: Kotu ta ɗaure ‘yan’uwa biyu watanni uku a gidan yari, bisa laifin yunƙurin fashi
Ƙasar Turkiyya dai ta yi ƙaurin suna wajen zartar da hukuncin ɗaurin rai-da-rai, wanda ya zama ruwan dare bayan da ta soke hukuncin kisa a shekara ta 2004 don taimakawa kokarinta na shiga Tarayyar Turai.
Tun da farko dai an bayar da rahoton cewa Ozer ya gudu daga Turkiyya a watan Afrilun 2021 tare da kadarorin masu saka hannun jari dala biliyan 2, duk da cewa tun daga lokacin ake taƙaddama kan wannan adadi.
Masu gabatar da ƙara sun ce Ozer ya tura Lira miliyan 250 na kadarorin masu amfani da su (kimanin dala miliyan 30 a lokacin) zuwa wasu asusun sirri guda uku a lokacin da ya tsere daga Turkiyya a watan Afrilun 2021, inda akasarin kudaden suka kare a bankin Malta.
Laifin ya ce ’yan’uwan Ozer sun yi ɓarnar lira miliyan 356 ga abokan hulɗa baki ɗaya. Shari’ar ta kama kanun labarai na cikin gida saboda ta zo daidai da haɓakar crypto na Turkiyya wanda tun daga lokacin ya ragu sosai saboda ƙa’idar gwamnati.
Turkawa sun fara karkata zuwa kuɗaɗen crypto daban-daban a matsayin kariya daga zurfafa a cikin darajar Lira da ta fara sama da shekaru biyu da suka gabata.
Ozer ya sami ƙarin matsayi bayan da aka nuna hotonsa yana ganawa da jiga-jigan masu goyon bayan gwamnati.
An kama shi ne a bara a Albaniya bisa sammacin kama shi na ƙasa da ƙasa daga Interpol.
