Wata babbar kotun tarayya da ke Abuja ta mayar da Mahadi Aliyu Gusau a matsayin mataimakin gwamnan jihar Zamfara.
Gusau da jam’iyyar PDP sun shigar da ƙarar ne kan matakin da majalisar dokokin jihar Zamfara ta ɗauka na tsige shi a watan Fabrairun 2022.
A hukuncin da kotun ta yanke a ranar Laraba, Mai shari’a Inyang ya bayyana cewa tuhumar da kwamitin shari’a na tsohon Gwamna Bello Matawalle ya kafa da kuma tsige shi ya yi ne ba tare da la’akari da batun da ke gaban kotun ba, wanda ya kai ga taimakon kansu da kuma ɗaukar doka a hannunsu.
“An ba da umarnin maido da martabar Mahadi Aliyu Mohammed a matsayin mataimakin gwamnan jihar Zamfara a ranar 8 ga Yuli, 2021 lokacin da aka fara wannan ƙarar,” in ji shi.
KU KUMA KARANTA: Wata uku gwamnatin da na gada ba ta biya albashi ba a Zamfara – Gwamna Dauda
“An ba da umarnin a ajiye duk wani mataki da aka ɗauka, ci gaba da gudanar da ayyukan ko kuma abubuwan da waɗanda ake tuhuma suka aikata domin ci gaban da ake yi na tsige Mataimakin Gwamnan Jihar Zamfara, a lokacin da ake sauraron ƙarar kafin wannan kotu.”
