Labarai
Hukumar NDLEA a Kaduna, ta tarwatsa haramtattun gidajen ƙwayoyi 13
Hukumar ya ƙi da fataucin miyagun ƙwayoyi ta ƙasa, (NDLEA), reshen jihar Kaduna, ta ce jami’anta sun kama kilogiram 685.179 na haramtattun ƙwayoyi tare da tarwatsa gidajen miyagun ƙwayoyi guda 13 a Kaduna.
Kwamandan hukumar ta NDLEA, Ibrahim Braji, ya shaidawa kamfanin dillancin labarai na Najeriya a ranar Lahadin da ta gabata cewa, an kama tare da tarwatsa rundunar ne a watan Agusta.
Mista Braji ya bayyana cewa a cikin wannan lokaci an kama mutane 86 da ake zargi da maza 83 da mata uku.
KU KUMA KARANTA: Hukumar NDLEA a Legas, ta kama ƙwayoyi da aka ɓoye a cikin gwangwanin tumatir
Kwamandan ya bayyana cewa, wasu magungunan da aka kama sun haɗa da tabar wiwi, mai nauyin kilogram 650.690, Cocaine 0.004 kg, Heroin 0.003 kg, Methamphetamine 0.197 kg, Tramadol 9.336 da Psychotropic abubuwa 24.949 kg.
Ya bayyana cewa, gidajen 13 ɗin sun kasance a Tirkaniya, garejin Kantin Kwari, Badarawa, Ministan Filin, Mangarori, Kafanchan, Unguwar Gimbiya, Kauru, Birnin Yero, Narayi, Unguwar Gwari, Hayin Na’iya da Hayin Ɗan Mani.
Kwamandan ya kuma bayyana cewa, jami’an nasu sun ƙwato alburusai guda 100, harsasai masu rai, bindiga ɗaya mai lamba 73.1×19, bindiga guda ɗaya na gida da kuma harsashi mai zagaye 448 mai nauyin 7.69mm.
Mista Braji ya ce yaƙi da miyagun ƙwayoyi da sha wani nauyi ne da ya rataya a wuyansa, ya kuma yi ƙira da a ba su goyon baya, don magance matsalar.
Ya yi ƙira da a samar da bayanai kan lokaci don samar da matakan da suka dace.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Hukumar NDLEA a Imo ta tabbatar da kashe jami’anta biyu tare da wasu jami’an tsaro uku | Neptune Prime Hausa
Pingback: Hukumar NDLEA a Imo ta tabbatar da kashe jami’anta biyu tare da wasu jami’an tsaro uku - LEGEND FM DAURA