Gwamnan Jihar Bauchi, Alhaji Bala Abdulƙadir Muhammad ya zama shugaban ƙungiyar gwamnonin jam’iyyar PDP na ƙasa baki ɗaya.
Bala wanda ya samu nasarar ɗare wa kujerar ne a wani taron da zaɓaɓɓun gwamnonin suka gudanar a Jihar Bauchi da ya samu halartar Gwamnonin tare da Atiku Abubakar.
Da yake sanar da sakamakon zaɓen nasu, gwamnan Jihar Adamawa, Ahmadu Umaru Fintiri, ya ce, sun cimma matsayar ne bisa lura da cewa Bala Muhammad zai iya jagorantar ƙungiyar yadda ya kamata.
KU KUMA KARANTA: Sake zaɓen Fintiri, nasara ce ga demokraɗiyya – PDP
Kazalika, ya sanar da cewa gwamnonin PDP ɗin sun kuma zaɓi gwamnan Jihar Ribas, Siminalayi Fubara a matsayin mataimakin shugaban ƙungiyar.
