Hukumar Yaƙi da Yiwa Tattalin Arzikin Ƙasa Ta’annati (EFCC) ta damƙe shugabannin manyan bankunan Zenith, Providus, da Jaiz bisa zargin almubazzaranci da almundahana da ake alaƙantawa da abin kunyan ministar harkokin jin ƙai da yaƙi da fatara, Betta Edu da Sadiya Umar Faruk.
Wasu majiya masu tushe daga fadar shugaban ƙasa ta shaidawa Peoples Gazette a ranar Talatar da ta gabata cewa shugabannin bankunan da ake bin diddigin su tun bayan da jama’a suka yi ta cece-kuce kan yadda ake karkatar da kuɗaɗen al’umma zuwa wasu asusu na sirri, yanzu haka suna hannun EFCC.
A halin yanzu dai hukumar EFCC na bin diddigin wasu maƙudan kuɗaɗen gwamnati da aka tura zuwa asusun wasu masu zaman kansu, matakin da Edu da Farouq suka amince da su.
Ms Farouq, wacce ta jagoranci ma’aikatar jin ƙai, magance bala’o’i da ci gaban al’umma a gwamnatin da ta shude, ana kuma gudanar da bincike a kan almundahanar aƙalla naira biliyan 37 na kuɗaɗen al’umma da aka ware domin shirin miƙa sharaɗin miƙa kuɗi ga shugaban ƙasa Muhammadu Buhari na lokacin.
Kakakin hukumar EFCC, Dele Oyewale, ya kaucewa binciken lamarin.
A halin da ake ciki, Ms Edu ta ce bata da hannun cikin badaƙalar, kuma ta ƙuduri aniyar yaƙi da cin hanci da rashawa a yayin da ake ta cece-kuce kan buƙatar da ta yi ba bisa ka’ida ba na aika kuɗi zuwa wani asusu na sirri.
Ms Edu ta bayyana hakan ne a wani saƙon da ta wallafa a shafinta na Facebook ga waɗanda suka ci gajiyar Npower.
“Ya ku ‘yan uwa masu amfana da Npower, ina so in tabbatar muku da ku kwantar da hankulan ku a cikin zarge-zargen da kuma dakatarwar da nake fuskanta. Zuciyata da hannayena suna da tsabta, kuma na himmatu wajen yaƙi da cin hanci da rashawa,” in ji Ms Edu.
KU KUMA KARANTA: Shugaba Tinubu ya dakatar da Ministar Ma’aikatar Jin-ƙai, Betta Edu
Ta ƙara da cewa, “Yana da mahimmanci a sani cewa wasu mutane masu mugun nufi na iya amfani da ikon gwamnati a kan ku. Ku kasance cikin karfin Zuciya, Nan ba da daɗewa ba za mu shawo kan waɗannan ƙalubalen. “
An dai gudanar da bincike-binciken almundahana da dama tun lokacin da shugaban ƙasa Bola Tinubu ya hau kan karagar mulki, lamarin da ya sa ake tsare da manyan mutane kamar gwamnan CBN Godwin Emefiele da shugaban EFCC Rasheed Bawa.
