Daga Shafaatu DAUDA, Kano
Rahotanni na cewa wasu gungun matasa sun ƙone gidan mawaƙi Dauda Kahutu Rarara dake unguwar Zoo road a Kano.
Wannan ya biyo bayan sanar da sakamakon zaɓen gwamna da aka yi da safiyar yau litinin a birnin Kano, wanda ɗan takara a inuwar jam’iyar NNPP Eng. Abba Kabir Yusuf ya lashe.
KU KUMA KARANTA: An sanya dokar hana fita a Kano
Rarara shahararren mawaƙin siyasa ne musamman ma a arewcin Nijeriya, kuma a yammacin jiya lahadi ya saki wata sabuwar waƙa inda yake cewa Gawuna ya kayar da Abba.
Dauda Rarara ya koma yi wa jam’iyar APC waƙa tun a shekarar 2015 zuwa yanzu , wanda ke yin zamɓo da habaici cikin waƙoƙinsa.Wanda hakan ke baƙanta ran magoya bayan waɗanda aka yi wa zambon.
