Sabbin masana’antun sarrafa Riɗi a Yobe, za su ƙara samar da tan dubu 6
Sabbin masana’antun sarrafa Riɗi da Gwamna Mai Mala Buni CON ya kafa, za su ƙara yawan samar da Riɗi a jihar Yobe zuwa tan 60,000 a kowace shekara idan suka fara aiki.
Wannan matakin yana ɗaya daga cikin dabarun gwamnatin jihar na fadada tattalin arziki, samar da ayyukan yi, da kuma bunkasa harkokin noma.
Jihar Yobe ta dade tana taka rawa wajen noman ridi, amma ba a cika amfani da damar da ke cikin harkar noman jihar ba.
Ta hanyar saka hannun jari a cikin ingantattun wuraren sarrafa ridi, gwamnatin Gwamna Buni na kokarin kara darajar ridi ta hanyar sarrafa shi zuwa kayayyaki masu daraja da ake bukata sosai a gida da kasashen waje.
Sabbin masana’antun da aka tanadar da fasaha ta zamani za su taimaka wajen kara darajar amfanin ridi da ake nomawa a jihar.
Masana’antun za su kasance cibiyoyin sarrafawa masu mahimmanci tare da kara karfafa noman ridi ta hanyar ba wa manoma tabbacin samun kasuwa mai dorewa ga kayansu.
KU KUMA KARANTA:Gwamnan Bauchi ya ƙaddamar da jami’an kula da zirga-zirgar ababen hawa 500
Wannan zai haifar da karin ayyukan yi a cikin gida da kuma inganta rayuwar manoma na karkara, wadanda da dama ke dogaro da noman ridi a matsayin hanyar samun abinci.
Wannan shirin ya yi daidai da alkawarin gwamnan na bunkasa bangaren noma na jihar da tabbatar da wadatar abinci tare da kara samun kudaden shiga na jihar.
Ta hanyar karfafa darajar sarkar samar da ridi—daga noma har zuwa sarrafawa—Jihar Yobe tana fatan zama jagora a kasuwar ridi ta duniya.
Da ake sa ran samar da tan 60,000 na ridi, sabbin masana’antun za su mayar da Jihar Yobe wani babban tushen samar da ridi, wanda zai kara tallafa wa manufofin ci gaba mai dorewa na Gwamna Buni.
