Rundunar ‘yan sandan jihar Ogun ta cafke wani mai suna Lekan Sunday bisa zargin yi wa wata malamar addini fyaɗe a wata coci da ke jihar.
An ce wanda ake zargin ɗauke da makami, ya kutsa cikin cocin Orioke Aanu Oluwa Gbohunmi da ke unguwar Ilogbo Adu da ke Kemta a Abeokuta, inda ya yi barazanar kashe Malamar idan ba ta ba shi haɗin kai ba, kuma ya sanya wuƙa a fuskarta.
Ana zargin Malamar ta fara roƙon mai laifin amma ya ƙi. Daga bisani ya yi mata fyade a cikin cocin.
Rundunar ‘yan sandan ta ƙaddamar da farautar wanda ake zargin da ya gudu, bayan ta samu ƙorafi daga Malamar addinin.
KU KUMA KARANTA: Mahaifi ya yi wa ’yar cikinsa mai shekara 13 fyaɗe
PUNCH ta ruwaito jami’in hulɗa da jama’a na rundunar ‘yan sandan jihar, Omolola Odutola, ya tabbatar da faruwar lamarin a ranar Talata.
Odutola ya ce. Malamar addinin ta gane wanda ake zargin mesin ne kuma lebura a yankin.
Ya ce ana ci gaba da gudanar da bincike yayin da wanda ake zargin yake amsa tambayoyi a wajen ‘yan sanda.
