Kwamishinan yaɗa labaran Yobe, Bego ya yaba wa Gwamna Buni kan nuna goyon baya ga ‘yan jarida (hotuna)

Kwamishinan yaɗa labaran Yobe, Bego ya yaba wa Gwamna Buni kan nuna goyon baya ga ‘yan jarida (hotuna)

Kwamishinan Yaɗa Labarai na Jihar Yobe, Hon. Abdullahi Bego, ya yabawa Gwamna Mai Mala Buni bisa ci gaba da nuna goyon baya da yake yi ga ‘yan jarida a faɗin jihar.

Da yake jawabi yayin gabatar da jawabi mai taken “Dimokraɗiyya da kyakkyawan shugabanci a Najeriya: nazari kan shekarun Buni a jihar Yobe” a wajen taron ƙarawa juna sani na kwanaki uku da aka kammala wa mambobin ƙungiyar ‘yan jarida ta Najeriya (NUJ) da aka gudanar a Kano, Hon. Bego ya yaba da ƙudurin Gwamnan na ƙarfafa alaƙa tsakanin gwamnati da kafafen yaɗa labarai.

Kwamishinan ya sake jaddada goyon bayan gwamnatin jihar ga NUJ da kafafen yaɗa labarai a matsayin abokan hulɗa mai mahimmanci wajen samar da shugabanci nagari, gaskiya da kuma haɗa kan jama’a.

Bego ya ce “‘Yan jarida muhimmai ne masu kula da bayanan jama’a. Kafofin yaɗa labarai na taka muhimmiyar rawa wajen inganta riƙon amana da kuma samar da amana tsakanin gwamnati da ‘yan ƙasarta,” in ji Bego.

KU KUMA KARANTA:Gwamnan Yobe ya raba wa ‘yan jarida 100 kwamfuta, ya yi kira da a yi ingantaccen rahoto

Ya ƙara da cewa, dabarun hulɗa da kafafen yaɗa labarai na gwamnatin Buni, ya ginu ne ta hanyar haɗa kai da buɗe ƙofa da sadarwa, da yin amfani da hanyoyi daban-daban don isa ga al’ummar jihar Yobe da ma sauran su.

A cewarsa, babban burin gwamnatin shi ne ci gaba da yin haɗin gwiwa mai ƙarfi tare da ‘yan jarida don tabbatar da ingantattun rahotanni da ke goyan bayan manufofin ci gaban jihar.

Hon. Bego, ya zayyana muhimman matakan da gwamnatin Gwamna Mai Mala Buni ta ɗauka na ƙarfafa aikin yaɗa labarai da tallafawa ‘yan jarida a jihar.

Da yake jawabi a wajen rufe taron ƙarawa juna sani na kwanaki uku na ƙungiyar ‘yan jarida ta Najeriya (NUJ) da aka gudanar a Kano, Bego ya ce gwamnatin Buni ta nuna ƙwarin guiwar ƙarfafawa kafafen yaɗa labarai ta hanyar ayyuka da kuma dorewa.

Ya bayyana cewa gwamnati ta tallafa wa ƙungiyar ta NUJ da mambobinta kai tsaye, horar da jami’an yaɗa labarai da hulɗa da jama’a, samar da kayayyakin aiki, da kuma gyara wuraren da gobara ta lalata na gidan rediyon Yobe (YBC) da sabbin kayan aiki.

Kwamishinan ya ci gaba da lura da shirye-shiryen da ake ci gaba da gudanarwa kamar inganta ƙarfin watsa shirye-shiryen YBC, da daidaita ma’aikatan da ba na yau da kullun zuwa ayyuka na dindindin, da sauya sheka zuwa shirye-shirye na sa’o’i 24, da shirin kafa sabuwar tashar talabijin mallakin gwamnatin jihar don maye gurbin ababen more rayuwa na YTV.

Taron mai taken “Ƙungiyar ‘Yan Jaridu ta Najeriya, Gwamnatin Dimokuraɗiyya da Matsalolin Zamani a Ci gaban Jihar Yobe”, taron bitar ya wadata ‘yan jarida 100 da suka halarci taron da kayan aikin bayar da rahoto na zamani da suka haɗa da sabbin kwamfutoci da kayan aiki.

Alhaji Bego ya bayyana ƙwarin gwiwar cewa horon tare da goyon bayan gwamnati, zai baiwa ‘yan jarida damar gudanar da ayyukansu yadda ya kamata tare da ba da gudummawa ga ajandar ci gaban jihar baki ɗaya.