Jigo a jam’iyyar APC a jihar Kano, Muazu Magaji, ya ce jihar Kano ce ta cancanci kujerar shugaban majalisar dattawa a majalisar dattawa ta 10, saboda irin gudumawar da take bayarwa wajen ci gaban siyasa.
Malam Magaji ya shaida wa Kamfanin Dillancin Labarai na Najeriya a Kano ranar Juma’a cewa jam’iyyar na ƙira ga ‘yan majalisar dattijai da su tsayar da matsayin shugaban majalisar dattawa a shiyyar Arewa maso Yamma da kuma jihar Kano musamman.
Ya bayyana Sanata Barau Jibrin a matsayin gogaggen mai gudanar da mulki da tarihin da ya dace ya jagoranci majalisar dattawa ta 10.
KU KUMA KARANTA: Zaɓaɓɓen ɗan majalisar wakilai ya ba da gudumawar shanu 59 a mazaɓarsa a Zamfara
Halatta da cancantar yankin arewa maso yamma da Kano, musamman na samar da shugaban majalisar dattawa ya dogara ne akan amincewa da matsayin siyasar yankin a yanzu da kuma masu bayar da mafi girman ƙuri’u a zaɓen shugaban ƙasa da aka kammala.
Ya ce Jibrin ya kasance mai jajircewa mai nutsuwa, mai kawo zaman lafiya kuma ɗan siyasa mai kishin ƙasa daga jiha da shiyyar da APC ba za ta yi wasa da ita ba.
A cewarsa, Barau Jibrin ba wai kawai ya fi kowa iyawa da cancanta ba amma kuma ya cancanci a yi la’akari da wannan a matsayin alamar sakewa, lada a tsarin dimokuraɗiyya.
“Al’ummar jihar Kano da shiyyar Arewa maso Yamma suna goyon bayan muradin Sanata Jibrin ne saboda mun yi imani da iyawarsa da ƙarfinsa na tafiyar da harkokin majalisar dattawa zuwa turbar ci gaba da kwanciyar hankali.
“Majalisar ta 10 ta ƙasa tana buƙatar shugaba kamar Jibrin wanda ya samu ilimi da gogewa daga ciki da wajen Najeriya, ya bi diddigin karatunsa da cancantarsa,” inji shi.
