Ƙungiyar Liverpool ta samu tazarar maki 8 akan teburin gasar Firimiya
Mohamed Salah ya taimaka wa Liverpool wajen samun tazarar maki takwas a saman teburin Firimiyar Ingila bayan ya ci kwallaye biyu a nasarar 3-2 da suka samu kan Southampton a yau Lahadi.
Liverpool ta yi nasara ne bayan Salah ya farke ƙwallon farko a minti na 65, sannan ya ci bugun fanareti a minti na 83 bayan hannun Yukinari Sugawara ya taba ƙwallo a cikin gida.
Dominik Szoboszlai ya fara ci wa Liverpool ƙwallo daga wani sakacin da Southampton ta yi, amma Southampton ta farke bayan Adam Armstrong ya ci bugun fanareti a minti na 42 sannan ya taimaka wa Mateus Fernandes da ya ci kwallo a minti na 56, kafin Salah ya sake ba Liverpool nasara.
Wannan nasara ta nuna ƙarfin Liverpool a kakar bana, yayin da Salah ya kai kwallaye 10 a gasar bana, yana biye da Erling Haaland na Manchester City, wanda ke da 12.
KU KUMA KARANTA: Liverpool ta lallasa Manchester United ci 3 da nema
Dominik Szoboszlai ya ce Liverpool za ta ci gaba da mai da hankali kan gasar ba tare da duban matsayi na sauran ƙungiyoyinba.
