Gwamnatin jihar Kaduna za ta binne gawarwakin wasu mutane 60 da ba a san masu su ba.
Sashin Lafiya na ƙaramar hukumar Kaduna ta Kudu zai ɗauki gawarwakin don binnewa a a makabartar layin Bashama da ke unguwar Tudun Wada.
Mataimakiyar Sashin lafiya na ƙaramar hukumar Kaduna ta kudu – Asmau Saidu Adamu ta sanar cewa za a binne gawarwakin ne a ranar Juma’a 17 ga watan Nuwamba da muke ciki.
“Za a ɗauko gawarwakin ne daga Asibitin Gwamna Awan zuwa Makabartar Bashama Road, ƙarƙashin jagorancin Kwamishinar Lafiya ta jihar Kaduna, Umma K Ahmed da Shugaban Asibitin Gwamna Awan, Dokta Gebriel Brown,” inji ta.
