Hukumomi a ƙasar Saudiyya sun shawarci mahajjata da su yi sallar Juma’a a masallatai mafi kusa, saboda yanayin zafi a ƙasar.
Hukumar kula da yanayi ta ƙasar Saudiyya, (SAMA), a ranar Alhamis ta bayyana cewa yanayi zai kai maki 50 a ranar Juma’a 7 ga watan Yuli.
Dokta Ibrahim Sodangi, kodinetan Makkah na Hukumar Alhazai ta Najeriya (NAHCON) ne ya bayyana haka cikin wata sanarwa a ranar Alhamis.
“Saboda haka, gwamnatin Saudiyya ta shawarci alhazai da su gudanar da Sallar Juma’a a masallatan da ke kusa da su domin kada su shiga cikin yanayi mai tsanani.
“Don haka an umurci Alhazan Najeriya da su bi wannan umarni,” in ji Sodangi.
[…] Source link […]