'Yan bindiga
‘Yan bindiga sun yi barazanar auran matan da aka sace a Zamfara, sun buƙaci a ba su naira miliyan 12 (Bidiyo)
Wasu mata huɗu da aka yi garkuwa da su da suka haɗa da ɗalibar kwalejin fasaha da kimiyya ta jihar Zamfara da ‘yan bindiga suka yi garkuwa da su, sun tayar da ƙura kan barazanar da masu garkuwar ke yi na auran su idan iyayensu suka ka sa biyan kuɗin fansa naira miliyan 12.
Waɗanda aka sace, wanda aka kama a hanyar Birnin Magaji-Ƙaura Namoda watanni shida da suka gabata a lokacin da suke dawowa daga ɗaurin aure, sun bayyana hakan ne a cikin mintuna biyu da daƙiƙa 19 da jaridar News Point Nigeria ta samu ranar Asabar.
Waɗanda aka kama masu suna Ummukhair, Aisha Yahaya, Jamila Yahaya, da Ummu Sani sun kuma ce waɗanda suka sace su sun baiwa iyalansu mako guda domin su biya kuɗin fansa.
“Muna roƙonku iyaye da sunan Allah. Muna cikin matsala a nan tare da masu garkuwa da mu.
Don Allah a nemi kuɗi don ƙwato mana ’yancinmu,” in ji su.
“Gwamnatin da ta gabata ta Gwamna Bello Matawalle ta gaza wajen ganin an sako mu.
Wannan shi ne wata na shida da wasu kwanaki a cikin bauta. Muna roƙon gwamnatin Gwamna Dauda Lawal da ta yi wani abu.”
KU KUMA KARANTA: Ƴan bindiga sun kashe basarake sun ƙona gawarsa a Imo
Wani dattijo ga ɗaya daga cikin waɗanda abin ya shafa, Aminu Yahaya ya shaidawa News Point Nigeria cewa an yi garkuwa da shida daga cikin ‘yan matan yayin da aka sako biyu daga cikinsu bayan an biya kuɗin fansa naira miliyan shida.
“Ni ne na karɓo musu sauran kuɗin fansa naira miliyan 6 kafin su sako ‘yan mata biyu,” ya ƙara da cewa.
“Yanzu sun ba mu wa’adin mako guda don biyan Naira miliyan 12 ko kuma su aurar da ‘yan uwanmu mata.”
Don haka ya yi ƙira ga gwamnatin jihar da ‘yan ƙasa da su kawo musu ɗauki.
Ku kalli bidiyon a nan:
‘Yan bindiga sun kashe malamin jami’a a Katsina, sun sace ‘ya’yansa
Rahotanni daga Jihar Katsina na cewa ‘yan bindiga sun kashe wani malamin Jami’ar Tarayya ta Dutsinma.
Rahotanni sun ce lamarin ya faru ne a ranar Talata da tsakar dare da misalin ƙarfe 1:30 inda ‘yan bindigar suka afka gidan Dakta Tiri Gyan da ke Yarima Quarters a Ƙaramar Hukumar Dutsinma.
Mai magana da yawun ‘yan sandan reshen Katsina Abubakar Sadiq ya tabbatar wa kafar watsa labarai ta Channels da kisan malamin.
Waɗanda suka shaida lamarin sun bayyana cewa ‘yan bindigar sun afka gidan malamin jami’ar da makamai daban-daban inda suka yi ta harbi domin tsorata mazauna rukunin gidajen.
Sun kuma bayyana cewa ɓarayin sun sace yara biyu na Dakta Gyan a lokacin da suka kai harin.
KU KUMA KARANTA: ’Yan bindiga sun sace Hakimi da manoma 2 a Kaduna
Kashe malamin na zuwa ne mako guda bayan kashe mataimakin Shugaban Jami’ar Usman Ɗanfodiyo da ke Sokoto Farfesa Yusuf Saidu.
An kashe shi a lokacin da yake hanyarsa ta zuwa Kaduna daga Sokoto.
‘Yan bindigar dai sun aukawa jami’ar kimiyya da fasaha ne dake garin Osara a ƙaramar hukumar Adabi a jihar Kogi inda bayan jikkata wasu ɗaliban, sannan suka yi garkuwa da wasu kimanin 57.
Malam Ɗan Asabe wani mazaunin jihar Kogi yace ‘yan bindigar sun haura cikin jami’ar ne ta baya suka dinga harbin kan mai uwa da wabi kamar yadda ya yiwa wakilin Muryar Amurka bayani ta wayar salula.
Tuni dai Gwamnatin jihar Kogin ta yi Allah wadai da wannan hari tare da nuna takaicinta akan lamarin.
Kwamishinan Labarai na jihar Kogin, Kensly Fanwo, yace, kawo yanzu ba su tantance adadin ɗaliban da ‘yan bindigar suka sace ba, amma sun haɗa hannu da jami’an tsaro domin ganin an kuɓuta da ɗaliban cikin ƙoshin lafiya.
KU KUMA KARANTA:’Yan bindiga sun sace ɗalibai a Jami’ar Jihar Kogi
Ya ƙara da cewa, a lokacin da gwamnatin jihar ta samu labarin ta yi ƙoƙarin jibga jami’an tsaro a wannan yanki domin samun nasarar kuɓutar da ɗaliban da aka sace.
A wata sanarwa daga kakakin ‘yan sandan jihar Kogin, Wilyans Aya, ya ce kwamishinan ‘yan sandan ya ƙara tura jami’an tsaro na musamman domin samun nasarar kuɓutar da ɗaliban.
Garkuwa da ɗaliban makaranta dai na ci gaba da ɗaukar hankali a Nijeriya, al’amarin da masana suka ce babbar barazana ce a ɓangaren Ilimi a ƙasar.
Rahotanni daga Najeriya na cewa ‘yan bindiga sun yi garkuwa da wasu limaman Coci shida yayin da suke kan hanyarsu ta zuwa birnin Awka na jihar Anambara a kudu maso gabashin Najeriya.
Bayanai sun yi nuni da cewa ‘yan bindigar sun sace Archbishop Uka Uka na Mujami’ar Brotherhood of the Cross and Star, (BCS) da matarsa Anne Osim da ɗansu Ronald Uka Osim.
Sauran limaman Cocin sun haɗa da Azuka Ochu, Moses Okafor da Anderson Akwazie a cewar jaridar Daily Trust.
Jaridar Daily Post ta yanar gizo ta ruwaito cewa mutanen na hanyarsu ta zuwa Awka ne daga jihar Abiya don gudanar da ayyukan wa’azi a lokacin da lamarin ya faru.
Al’amarin ya faru ne a ranar 1 ga watan nan na Mayu kamar yadda rahotanni suka nuna.
KU KUMA KARANTA:An halaka direba da sace mutum 2 a hanyar Abuja
“Mun damu matuƙa, amma muna da tabbacin cewa Ubangijin da suke bautawa zai taimaka musu.” Jaridar ta Daily Post ta ruwaito wani Limami a Cocin ta BCS, Bishop Denis Onuoha yana cewa.
Sai dai rundunar ‘yan sandan jihar Anambara, ta ce ba ta da masaniyar aukuwar wannan al’amari.
“Ba mu da wasu bayanai da suka nuna aukuwar wannan al’amari a jihar Anambara.” Wata sanarwa da rundunar ta wallafa a shafinta na Facebook ta ce a ranar Asabar ɗauke da sa hannun Kakakinta SP Tochukwu Ikenga.
Sanarwar ta ƙara da cewa, “muna ƙira ga jama’a da su taimaka mana da bayanai kan wannan al’amari idan har ya faru, hakan zai ba mu dama mu ƙaddamar da bincike.”
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Har yanzu ina fatan mijina zai dawo gida – matar Dadiyata | Neptune Prime Hausa