Daga Ibraheem El-Tafseer
A jamhuriyar Nijar sojojin ƙasar sama da 10 ne suka rasa rayukansu yayin wasu hare-hare biyu da ‘yan bidiga suka kai a yankin Tillabery.
Sai dai in ji rahotanin da suka fito daga yankin na kan iyakokin ƙasashen uku sojojin Nijar sun kashe ‘yan bindigar da dama yayin wani luguden wuta da suka musu ta jiragen yaƙi.
Rahotanin daga yankin na Tillabery na cewa da misalin ƙarfe 9 na safiyar yau Alhamis ne wasu mutane da ake kyautata zaton cewa ‘yan ƙungiyoyi masu iƙirarin jahadi ne da suka yi kaka-gida a wannan yanki na kan iyakokin ƙasashen uku suka auka wa wani sansanin sojojin ƙasar dake Kandadji a Jahar ta Tillabery.
Sojojin ƙasar 12 ne suka mutu yayin wannan ɓarin wuta irin na mai kan uwa da wabi, an kuma jikkata sojojin bakwai, yayin da aka nemi biyu aka rasa.
