'Yan bindiga
‘Yan Bindiga a Zamfara, sun buƙaci miliyan huɗu ga ‘yar NYSC da suka sace
Wasu ’yan bindiga sun buƙaci a biya Naira miliyan huɗu a matsayin kuɗin fansa domin sako ɗaya daga cikin masu yi wa ƙasa hidima (NYSC) da aka sace a jihar Zamfara kwanakin baya.
Rahotanni sun ce ‘yan bindigar sun yi garkuwa da wasu mutane 8 da ke kan hanyarsu ta zuwa sansanin masu yi wa ƙasa hidima na NYSC a jihar Zamfara a ranar Juma’ar da ta gabata.
Jaridar LEADERSHIP ta ruwaito cewa masu yiwa ƙasa hidimar da ke shirin tafiya a cikin wata motar bas ta Akwa Ibom (AKTC) daga Uyo, Akwa Ibom zuwa Jihar Sakkwato, ‘yan fashin sun tare motar su.
Emmanuel Etteh, mahaifin Glory Thomas ɗaya daga cikin waɗanda aka yi garkuwa da su, ya bayyana cewa ‘yan bindigar sun kira shi ta hanyar amfani da lambar wayar su.
KU KUMA KARANTA: Hukumar NYSC ta tabbatar da yin garkuwa da ɗalibai takwas a Zamfara
Sun sanar da shi game da sace ‘yarsa kuma sun buƙaci a biya su Naira miliyan 4 domin a sako ta cikin ƙoshin lafiya.
Etteh ya ce: “Sun ƙira ni da layinsu, sannan suka ce in biya naira miliyan huɗu.
Na nemi in yi magana da ‘yata don tabbatar da cewa tana cikin ƙoshin lafiya.
Sai na tambayi yadda suke so mu biya kuɗin da suka ce mu tuntuɓi AKTC.
“Tun daga wannan lokacin ba su yi waya ba kuma ban yi magana da ’yata ba. Ban sani ba ko sun sake su amma ‘yata ba ta ƙira ni ba.”
Har ya zuwa lokacin da ake wannan rahoto, rundunar ‘yan sandan jihar Zamfara ba ta bayar da wani bayani kan lamarin garkuwa da mutane ba.
Sai dai wani jami’in soji da ba a bayyana ba ya bayyana cewa, tawagar masu aikin ceto na binciken dajin domin ƙwato waɗanda abin ya rutsa da su daga hannun waɗanda suka yi garkuwa da su.
‘Yan bindiga sun kashe malamin jami’a a Katsina, sun sace ‘ya’yansa
Rahotanni daga Jihar Katsina na cewa ‘yan bindiga sun kashe wani malamin Jami’ar Tarayya ta Dutsinma.
Rahotanni sun ce lamarin ya faru ne a ranar Talata da tsakar dare da misalin ƙarfe 1:30 inda ‘yan bindigar suka afka gidan Dakta Tiri Gyan da ke Yarima Quarters a Ƙaramar Hukumar Dutsinma.
Mai magana da yawun ‘yan sandan reshen Katsina Abubakar Sadiq ya tabbatar wa kafar watsa labarai ta Channels da kisan malamin.
Waɗanda suka shaida lamarin sun bayyana cewa ‘yan bindigar sun afka gidan malamin jami’ar da makamai daban-daban inda suka yi ta harbi domin tsorata mazauna rukunin gidajen.
Sun kuma bayyana cewa ɓarayin sun sace yara biyu na Dakta Gyan a lokacin da suka kai harin.
KU KUMA KARANTA: ’Yan bindiga sun sace Hakimi da manoma 2 a Kaduna
Kashe malamin na zuwa ne mako guda bayan kashe mataimakin Shugaban Jami’ar Usman Ɗanfodiyo da ke Sokoto Farfesa Yusuf Saidu.
An kashe shi a lokacin da yake hanyarsa ta zuwa Kaduna daga Sokoto.
‘Yan bindigar dai sun aukawa jami’ar kimiyya da fasaha ne dake garin Osara a ƙaramar hukumar Adabi a jihar Kogi inda bayan jikkata wasu ɗaliban, sannan suka yi garkuwa da wasu kimanin 57.
Malam Ɗan Asabe wani mazaunin jihar Kogi yace ‘yan bindigar sun haura cikin jami’ar ne ta baya suka dinga harbin kan mai uwa da wabi kamar yadda ya yiwa wakilin Muryar Amurka bayani ta wayar salula.
Tuni dai Gwamnatin jihar Kogin ta yi Allah wadai da wannan hari tare da nuna takaicinta akan lamarin.
Kwamishinan Labarai na jihar Kogin, Kensly Fanwo, yace, kawo yanzu ba su tantance adadin ɗaliban da ‘yan bindigar suka sace ba, amma sun haɗa hannu da jami’an tsaro domin ganin an kuɓuta da ɗaliban cikin ƙoshin lafiya.
KU KUMA KARANTA:’Yan bindiga sun sace ɗalibai a Jami’ar Jihar Kogi
Ya ƙara da cewa, a lokacin da gwamnatin jihar ta samu labarin ta yi ƙoƙarin jibga jami’an tsaro a wannan yanki domin samun nasarar kuɓutar da ɗaliban da aka sace.
A wata sanarwa daga kakakin ‘yan sandan jihar Kogin, Wilyans Aya, ya ce kwamishinan ‘yan sandan ya ƙara tura jami’an tsaro na musamman domin samun nasarar kuɓutar da ɗaliban.
Garkuwa da ɗaliban makaranta dai na ci gaba da ɗaukar hankali a Nijeriya, al’amarin da masana suka ce babbar barazana ce a ɓangaren Ilimi a ƙasar.
Rahotanni daga Najeriya na cewa ‘yan bindiga sun yi garkuwa da wasu limaman Coci shida yayin da suke kan hanyarsu ta zuwa birnin Awka na jihar Anambara a kudu maso gabashin Najeriya.
Bayanai sun yi nuni da cewa ‘yan bindigar sun sace Archbishop Uka Uka na Mujami’ar Brotherhood of the Cross and Star, (BCS) da matarsa Anne Osim da ɗansu Ronald Uka Osim.
Sauran limaman Cocin sun haɗa da Azuka Ochu, Moses Okafor da Anderson Akwazie a cewar jaridar Daily Trust.
Jaridar Daily Post ta yanar gizo ta ruwaito cewa mutanen na hanyarsu ta zuwa Awka ne daga jihar Abiya don gudanar da ayyukan wa’azi a lokacin da lamarin ya faru.
Al’amarin ya faru ne a ranar 1 ga watan nan na Mayu kamar yadda rahotanni suka nuna.
KU KUMA KARANTA:An halaka direba da sace mutum 2 a hanyar Abuja
“Mun damu matuƙa, amma muna da tabbacin cewa Ubangijin da suke bautawa zai taimaka musu.” Jaridar ta Daily Post ta ruwaito wani Limami a Cocin ta BCS, Bishop Denis Onuoha yana cewa.
Sai dai rundunar ‘yan sandan jihar Anambara, ta ce ba ta da masaniyar aukuwar wannan al’amari.
“Ba mu da wasu bayanai da suka nuna aukuwar wannan al’amari a jihar Anambara.” Wata sanarwa da rundunar ta wallafa a shafinta na Facebook ta ce a ranar Asabar ɗauke da sa hannun Kakakinta SP Tochukwu Ikenga.
Sanarwar ta ƙara da cewa, “muna ƙira ga jama’a da su taimaka mana da bayanai kan wannan al’amari idan har ya faru, hakan zai ba mu dama mu ƙaddamar da bincike.”
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Wa’adin da ‘yan bindiga suka bawa ɗaliban NYSC da aka sace a Zamfara ya ƙare | Neptune Prime Hausa
Pingback: Bayan biyan miliyan biyar, ‘yan bindiga sun saki ɗaya daga cikin masu yiwa ƙasa hidima da aka yi garkuwa da su a Zamfara | Neptune Prime Hausa
Pingback: Hukumar NYSC ta haɗa kai da jami’an tsaro domin ƙubutar da ‘yan hidimar ƙasa da aka sace a Zamfara | Neptune Prime Hausa