Daga Ibraheem El-Tafseer
A kwanan nan ƙwacen shafin sa da zumunta na WhatsApp, wanda a turance ake kira ‘Hacking’ ya zama ruwan dare, mafi yawan mutane sun rasa ta yaya hakan yake faruwa. To yanzu za mu ɗan yi bayanin yadda mutum zai kare kansa da faɗa wa tarkon waɗannan masu kutsen. Shi Whatsapp mutane daya wa suna mamaki, wasu mutanen ma gani suke kamar ba zai yi yu a ƙwace shi ba, saboda lambar waya kaɗai ake amfani da shi wajen buɗewa kuma mafi yawan mutane basu damu da yin hira ‘chatting’ da mutanen da ba su san su ba a WhatsApp ɗin.
Wasu har sukan iya cewa ma ta ina Bature zai samu lambar su har ya iya ƙwace musu WhatsApp? Shin ta yaya ma zai fara? Da dai wasu tunani da suka dogara da su na ƙin yarda ana iya ƙwacewa.
Duk da cewa yanzu an fara ganin zahiri cewa ana iya ‘Hacking’ ɗin WhatsApp ɗin, kuma wasu ma an musu, to wane mataki ya kamata a ɗauka dan ganin an daƙile faruwar hakan nan gaba?
Hanya mafi sauƙi da za ka bi don daƙile yi maka kutse a WhatsApp ɗinka shi ne, ka shiga ‘SETTING ‘ a cikin WhatsApp ɗin naka, sai ka shiga ‘TWO STEP VERIFICATION’ ka saka shi.
KU KUMA KARANTA: Yadda za ka kare shafinka na Facebook da Twitter daga masu ƙwace
Yaya ake saka ‘two step verification’ a WhatsApp?
Idan ka shiga ‘settings’ ka duba ‘account settings’ a ciki za ka ga ‘Two Step Verification’ sai ka shiga ka saka abin da suka tambaya, sannan kuma za su buƙaci ka saka Email ɗinka domin toshe duk wani yunƙuri na yi maka kutse a WhatsApp ɗinka.
