Yadda jam’iyyar PDP ta kwace kujerar gwamna a Zamfara

Gwamna Bello Matawalle na jihar Zamfara na jam’iyyar APC ya sha kaye a zaɓen bayan ya sake tsayawa takara a hanun Lawal Dare na jam’iyyar PDP.

Jami’in zaɓe Farfesa Kasimu Shehu ya ce Dare ya samu ƙuri’u 377,726 inda ya kayar da gwamna Bello Mohammed Matawalle wanda ya samu ƙuri’u 311,976.

Matawalle yayi ta fafutukar ganin ya sake samun nasara bayan an bayyana akasarin gwamnoni 11 da suka nemi tazarce suka yi nasara amma a ƙarshe haƙarsa bata cimma ruwa ba.