Rasuwa
Wazirin Fika, Malam Adamu Fika, ya rasu yana da shekaru casa’in
Daga Ibraheem El-Tafseer
Dattijon da ake girmamawa kuma ƙwararre a harkokin mulki, Malam Adamu Fika ya rasu yana da shekaru 90 a duniya. Ya yi fama da rashin lafiya na tsawon lokaci, ya rasu a cikin jirgi, a yayin da yake dawowa daga asibitin a Landan zuwa Kaduna.
Malam Adamu Fika, za a yi Sallar Jana’izarsa a Masallacin Sultan Bello da ke Kaduna a yau Laraba 25 ga Oktoba, 2023 da misalin ƙarfe karfe 4:00 na yamma.
Malam Adamu Fika, haifaffen garin Fika ne da ke jihar Yobe. An haife shi a shekarar 1933, ya ba da gagarumar gudumawa a wannan ƙasa, inda ya yi aiki a matsayin Pro-chancellor kuma Shugaban Majalisar Mulki a Jami’ar Ahmadu Bello da ke Zariya. Ya kuma kasance shugaban kwamitin amintattu na ƙungiyar Arewa Consultative Forum (ACF). Wazirin Fika ya fara tafiyar karatunsa ne a Kwalejin Gwamnatin Kaduna da Kwalejin Fasaha, Kimiyya da Fasaha ta Najeriya wadda a yanzu ake kira da Jami’ar Ahmadu Bello.
Ya fara aikinsa a matsayin malamin lissafi da Physics a Kwalejin Barewa da ke Zariya, inda ya yi tasiri a rayuwar ɗalibai da dama, ciki har da Janar Theophilus Yakubu Danjuma da marigayi Sarkin Lafiya, Isa Mustapha Agwai.
A tsawon rayuwarsa, Malam Adamu Fika ya riƙe muƙamai da dama, ciki har da babban sakatare a ma’aikatun tarayya daban-daban, kamar harkokin cikin gida, kasuwanci, da sadarwa. Ya kuma riƙe muƙamin shugaban ma’aikatan gwamnatin tarayya tare da bayar da gudumawa mai ƙima wajen ci gaban Najeriya. Ya yi murabus ne domin nuna rashin amincewarsa a lokacin da gwamnatin Janar Ibrahim Badamasi Babangida ta raba ofishin sakataren gwamnati da kuma shugaban ma’aikata na tarayya, inda ya yi gargaɗin cewa hakan zai lalata ma’aikatan gwamnati.
Ya samu karramawa da lambobin yabo da dama a kan aikin da ya ke yi na musamman, ciki har da Kwamandan Gwamnatin Tarayya (CFR) da Gwamnatin Tarayya ta yi a shekarar 1992. Ya samu karramawa da ƙwazo, wanda ƙwazonsa da kuma ƙwarewar jagoranci, wanda hakan ya sa ya zama mutum mai daraja a Nijeriya.
Rasuwarsa babban rashi ne ga al’umma, domin ya bar gadon al’ada na ƙwarewa, da rashin son kai. Za a tuna da irin gudunmawar da Malam Adamu Fika ya bayar a fannin ilimi, aikin gwamnati, da ci gaban Nijeriya shekaru masu zuwa. Ba zato ba tsammani, a makon jiya ne Gwamnan Jihar Yobe, Mai Mala Buni, ya ziyarce shi a kan gadon jinya a asibitin Landan, a lokacin da ya kai ziyarar aiki ƙasar Birtaniya.
Mutumin da ya fi kowa tsallake haɗari a duniya ya mutu
Daga Ibraheem El-Tafseer
Frane Selak ya kasance wanda ya fi kowa tsallake rijiya da baya a duniya.
A shekarar 1962 ya tsallake haɗarin jirgin ƙasa wanda mutane 17 suka mutu, a 1963 jirgi ya faɗi da shi kowa ya mutu sai shi kaɗai ko ƙwarzane bai yi ba.
A shekarar 1966 motar safa ta lume da su a rafi mutum huɗu sun mutu amma Frane bai samu ko ƙwarzane ba a yayin da a shekarar 1973 motarsa ta kama da wuta ya tsallake rijiya da baya, ya kuma tsallake haɗarin taho mu gama da mota ta yi da shi ya tsira ya kuma lashe yuro dubu ɗari takwas a Caca a shekarar 2003.
KU KUMA KARANTA: Labarin zuwa Hajji mai ban mamaki
Allah Ya yi wa matar mataimakin gwamnan Neja rasuwa
Hajiya Zainab ta rasu ne a asibiti bayan gajeruwar rashin lafiya.
Mutuwa ta riske ta ne a wani asibiti da ke Minna, babban birnin jihar a ranar Talata.
Gwamnan jihar, Mohammed Umaru Bago, ya bayyana alhini da game da wannan rashi.
Sakon ta’aziyyar da kakakinsa, Bologi Ibrahim, ya sa wa hannu ya bayyana rasuwar a matsayin babban rashi ga jihar.
KU KUMA KARANTA: Allah Ya yi wa mahaifiyar tsohon Gwamnan Borno, Ali Modu Sheriff rasuwa
Ya kuma yi addu’a Allah Ya sada ta da mafificin rahama a Aljanna Firdausi, Ya ba wa mijinta hakurin jure wannan rashi.
Allah Ya yi wa mahaifiyar tsohon Gwamnan Borno, Ali Modu Sheriff rasuwa
Mahaifiyar tsohon Gwamnan Jihar Borno, Sanata Ali Modu Sheriff ta riga mu Gidan Gaskiya.
Mahaifiyar tsohon gwamnan, Hajja Aisa, ta koma ta Mahaliccinta ne a ranar Lahadi a Maiduguri, babban birnin jihar.
Ta rasu tana da shekaru 93, bayan fana da rashin lafiya.
Sanarwar rasuwar ta bayyana cewa za yi jana’izar Hajja Aisa da Azahar ranar Litinin 1 ga watan Yuli, 2024.
KU KUMA KARANTA: Allah Ya yi wa tsohuwar jarumar Kannywood, Fati Slow rasuwa
Za a yi jana’izar ne a gidant Marigayi Galadima Modu Sheriff d da ke Damboa Road a Maiduguri.
Sanarwar ta kuma roka wa marigayiyar gafara da kuma Aljannatul Firdaus.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano