Sample Page Title

Jam’iyyar NNPP mai mulki a jihar Kano ta musanta labarin da ake yaɗa wa cewa Shugaban ƙasa Bola Ahmed Tinubu ya hana Gwamnan Kano Injiniya Abba Kabir Yusuf rushe gine-ginen da ayake yi.

A zantawarsa da Freedom Radio lauyan jam’iyyar Barrister Bashir Muhammad Tudunwuzirci ya ce labari ne na ƙanzon kurege.

KU KUMA KARANTA: Ba za mu juri auka wa dukiyar al’umma da sunan ganima ba – Gwamnatin Kano

Ya ƙara da cewa Shuagaban ƙasa ba shi da hurumin gana Gwamna aiwatar da tsare-tsaren yadda yake son yi da ƙasa a jiharsa.

Ya kuma zargi ‘yan Jami’yyar APC masu adawa da yaɗa wannan labarin na ƙarya.

Barrister Tudunwuzirci ya ce, rushe-rushen da Gwamnatin NNPP ke yi tana yi ne don sake gyara Kano ba wai don ɓarna ba, kuma ba gudu ba ja da baya a kai.