Ƙasashen Waje
Ta nemi Majalisar Ɗinkin Duniya ta ƙaddamar da yaƙi kan yin hijira ba bisa ƙa’ida ba
Firayim Minista na hannun dama na Italiya Georgia Meloni ta nemi Majalisar Ɗinkin Duniya da ta ƙaddamar da “yaƙin duniya” kan hijira ba bisa ƙa’ida ba.
Wannan na zuwa ne a yayin da kwale-kwalen baƙin haure suka sake sauƙa a tsibirin Lampedusa da ke gaɓar tekun Bahar Rum na Italiya.
Da take magana a babban taron Majalisar Ɗinkin Duniya a New York, ta yi ƙira ga Majalisar Ɗinkin Duniya da ta ƙaddamar da “yaƙin duniya” kan masu safarar mutane.
A ranar alhamis, sama da mutane 700 ne suka isa tsibirin cikin sa’o’i a cikin kwale-kwale daga Afirka, kamar yadda kafafen yaɗa labarai na cikin gida suka ruwaito.
Tun daga ranar Laraba, sama da sabbin jiragen ruwa 20 ne suka sauƙa, yawancinsu daga ƙasar Tunisiya.
KU KUMA KARANTA: Majalisar Ɗinkin Duniya ta yi maraba da sakin yara 21 da aka yi garkuwa da su
Cibiyar karɓar baƙin haure ta Lampedusa ta kasance cike da cunkoson mutane sama da 1,100.
Ƙaramin tsibiri na Lampedusa, dake tsakanin Sicily da Arewacin Afirka, ya kasance wurin yin hijira na Turai tsawon shekaru.
A makon da ya gabata, dubban baƙin haure sun sake sauƙa a can cikin kwale-kwale daga Arewacin Afirka, inda sama da 5,000 suka isa a rana guda.
Hukumomin can sun kafa dokar ta ɓaci. A ƙarshen mako, Meloni ya ziyarci tsibirin tare da shugabar Hukumar Tarayyar Turai Ursula von der Leyen.
A yayin jawabinta na Majalisar Ɗinkin Duniya, Meloni ta ce: “Na gamsu da cewa aikin wannan ƙungiya ne ya shelanta yaƙin duniya kan masu safarar mutane ba tare da munafunci ba kuma ba tare da tsangwama ba.”
Italiya, in ji ta, a shirye ta ke ta kasance kan gaba a wannan. Meloni tana jagorantar gamayyar jam’iyun dama na kusan shekara guda.
Magance hijira ba bisa ƙa’ida ba na ɗaya daga cikin muhimman alƙawurran zaɓe da ta yi.
A cewar ma’aikatar harkokin cikin gida, baƙin haure 130,000 ne suka isa Italiya ta teku tun farkon shekarar l, wanda ya ninka kusan sau biyu a daidai wannan lokacin a shekarar 2022.
Harin ta’addanci ya kashe sama da mutane 20 a Mali
Wani hari da ake kyautata zaton masu ikirarin jihadi ne suka kai ƙauyen Djiguibombo da ke kusa da garin Bandiagara a yankin tsakiyar ƙasar Mali, ya yi sanadiyar mutuwar fararen hula 20, kamar yadda wasu hukumomin yankin biyu suka tabbatar.
Majiyoyin da suka nemi a sakaya sunansu sun tabbatar da mutuwar mutane 20, sannan suka ce yadda lamuran tsaro suka taɓarɓare a yankin, ya hana jami’an tsaro kai ɗauki wajen.
Wani jagoran matasan yankin shi ma da ya nemi a sakaya sunansa, ya ce tun a farkon daren ranar Litinin ɗin data gabata ne maharan suka kai farmakin, inda suka kwashe tsawon sa’oi uku a cikin garin.
KU KUMA KARANTA: Isra’ila ta kashe ‘yan jarida 106 a yakin da take yi a Gaza — Jami’ai
Ya ce sama da mutane 20 ne aka kashe a harin, kuma fiye da rabinsu matasa ne inda aka ranke musu harsuna.
Kasar Mali dai na fama da matsalolin tsaro na ƙungiyar Al-Qaeda da kuma na IS tun a shekarar 2012, inda ya bazu kasashen Burkina Faso da Nijar da ke makwabtaka da ita.
Tun bayan ƙwace mulki da sojoji suka yi a kasar a shekarar 2020, hukumomi ke jin tsoron fitowa fili su sanar da labarin hare-haren ta’addancin da ake kai wa kasar da ke Yammacin Afrika.
A shirye muke mu yaƙi Hizbollah idan har ta kama – Ministan Tsaron Isra’ila
Ministan Tsaron Isra’ila Yoav Gallant ya ce sojojin Isra’ila za su kasance a shirye don daukar duk wani matakin da ya dace kan ƙungiyar Hizbullah ta ƙasar Labanon, ko da yake abin da ake so shi ne cimma matsaya ta shawarwari.
Muna kai wa ƙungiyar Hizbullah hari sosai a kowace rana kuma za mu kai ga cikakken shiri na ɗaukar duk wani mataki da ake buƙata a ƙasar Labanon, ko kuma cimma wani shiri daga matsayi mai ƙarfi.
KU KUMA KARANTA: Gaza ya zama gidan marayu kuma maƙabartar yara mafi girma a duniya – Emine Erdogan
Mun fi son tsari, amma idan aka kai mu maƙura za mu san yadda za mu yi yaƙi,” an ruwaito Gallant a wata sanarwa da ofishinsa ya fitar.
Ƙasashen Waje
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Aƙalla mutum 12 ne suka mutu yayin da wasu 20 suka jikkata a jiya Laraba a wani hari da aka kai kan wata kasuwar dabbobi da ke El Fasher, babban birnin jihar Darfur ta Arewa a Yammacin Sudan.
A wata sanarwa da kwamitin sulhu na kwamitocin ‘yan gwagwarmaya na El Fasher ya fitar ya ce “harbin bindigogi a kasuwar dabbobi da ke birnin El Fasher ya yi sanadin mutuwar fararen hula 12 da kuma wasu 20 da suka samu raunuka daban-daban.”
Tun da fari a ranar Larabar da safe, kwamitocin ‘yan gwagwarmaya sun ce dakarun Rapid Support Forces (RSF) sun kai mummunan hari El Fasher da manyan bindigogi.
Tun a ranar 10 ga Mayu, aka fara ƙazamin fada tsakanin sojojin Sudan da RSF a El Fasher. Majalisar Dinkin Duniya da ƙungiyoyin agaji na ƙasa da ƙasa ke amfani da birnin a matsayin cibiyar ayyukan jinƙai ga yankin Darfur.
Rikicin Sudan ya ɓarke ne a cikin watan Afrilun 2023 tsakanin Janar Abdel Fattah al-Burhan da kwamandan RSF Mohamed Hamdan Dagalo kan yarjejeniyar shigar da RSF cikin rundunar soja.
KU KUMA KARANTA: Adadin mutanen da suka rasa muhalli a sassan duniya ya zarta miliyan 114 — MƊD
Ya yi sanadin mutuwar mutum sama da 16,000, da raba kusan mutum miliyan 10 da muhallansu, sannan sama da miliyan 25 na buƙatar agajin jinƙai, lamarin da ya zama mafi girma a duniya ta ɓangaren matsalar rashin matsuguni da yunwa, a cewar MƊD.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano