Labarai
Sojojin Najeriya har yanzu ba su samu umarnin shiga tsakani a Nijar ba – DHQ
Hedikwatar tsaro ta ce har yanzu rundunar sojin Najeriya ba ta samu umarni na tsoma bakin soja a jamhuriyar Nijar bayan juyin mulkin da ya kai ga hamɓarar da mulkin dimokraɗiyya a ƙasar.
Daraktan yaɗa labarai na tsaro, Birgediya janar Tukur Gusau, a wata sanarwa da ya fitar a ranar Alhamis, ya yi watsi da rahoton da aka buga ta yanar gizo cewa sojojin Najeriya na haɗa dakarunsu domin ɗaukar matakin soji a Jamhuriyar Nijar.
A cewarsa, har yanzu ƙungiyar ta AFN ba ta samu wani umarni daga hukumar da ta dace ba na fara ɗaukar matakin soji kan gwamnatin mulkin soja a Nijar.
KU KUMA KARANTA: Nijar ta shiga matsalar lantarki bayan katsewa daga Najeriya
“Ba labari ne cewa wasu daga cikin sojojin Jamhuriyar Nijar sun ƙwace mulki daga hannun zaɓaɓɓiyar gwamnati ta hanyar da ta saɓawa tsarin mulkin ƙasar.
“A game da wannan karyewar gwamnati ba bisa ƙa’ida ba, shugabannin ECOWAS sun gana, kuma an cimma wasu zaɓuka kan yadda za a shiga cikin rikicin.
“Zaɓin soji shi ne zaɓi na ƙarshe da za a ɗauka idan duk wani zaɓin ya gaza, a sauya yanayin da kuma mayar da gwamnatin Jamhuriyar Nijar kan tsarin mulki.
“A halin yanzu, kwamitin hafsan hafsoshin tsaro na ƙungiyar ECOWAS na gudanar da wani taro na musamman a Abuja domin tattaunawa kan al’amuran siyasa a jamhuriyar Nijar tare da miƙa shirinsu ga kwamitin shugabannin ƙasashen ƙungiyar ECOWAS domin tantancewa.
“A ƙarshe, Rundunar Sojin Nijeriya ba za ta iya ci gaba da gudanar da duk wani aiki a kowace ƙasa ta ECOWAS ba tare da izini daga Hukumomin Shugabannin Ƙasa da na Gwamnati ba.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Ba mu amince Sojojin Najeriya su yaƙi Nijar ba – Majalisar Dattawa | Neptune Prime Hausa
Pingback: Ba mu amince Sojojin Najeriya su yaƙi Nijar ba – Majalisar Dattawa - LEGEND FM DAURA
Pingback: Kai hare-haren maɓoyar ‘yan bindiga, sun nemi gwamnatin Najeriya ta yi musu afuwa | Neptune Prime Hausa