Ƙasashen Waje
Shugaban Kenya ya tuƙa kansa a cikin motar lantarki zuwa taron matasa
A ranar Lahadin da ta gabata ne shugaban ƙasar William Ruto ya tuƙa kansa a cikin wata mota mai amfani da wutar lantarki zuwa cibiyar taron ƙasa da ƙasa ta Kenyatta da ke KICC.
KICC ce za ta kasance wurin da za a gudanar da taron ƙoli kan yanayi na Afirka wanda za a gudanar daga ranar Litinin 4 zuwa 6 ga Satumba.
A cikin wani faifan bidiyo da aka wallafa ta yanar gizo, an ga shugaban yana tuƙa mota mai rawaya daga fadar gwamnati zuwa KICC.
Ya samu rakiyar wata ayarin motocin lantarki masu amfani da wutar lantarki da suka haɗa da masu tuƙa babura biyu, motoci biyu da kekunan lantarki guda biyu.
Shugaban ya ziyarci KICC ne domin halartar taron sauyin yanayi na matasan Afirka, wanda shi ne mafarin taron ɗumamar yanayi na Afirka da za a fara ranar Litinin mai zuwa.
KU KUMA KARANTA: Sojojin Nijar sun amince su tattauna da ECOWAS
Taron ƙolin kan sauyin yanayi na Afirka zai yi daidai da makon yanayi na Afirka wanda zai gudana daga ranar 4 zuwa 8 ga watan Satumba.
Sama da wakilai 30,000 ne ake sa ran za su halarci taron da suka haɗa da shugabannin ƙasashe da gwamnatoci sama da 25.
Yayin buɗe taron sauyin yanayi na matasan Afirka a ranar Asabar, Ruto ya yi ƙira ga matasan da su haɗa kai su shiga cikin taron.
Ya ce shaida haziƙan matasa masu hankali daga ko’ina cikin nahiyar suna baje kolin hanyoyin magance yanayi yana ba shi farin ciki matuƙa.
“Watanni biyu da suka gabata, a ƙarƙashin Hasumiyar Eiffel, na yi ƙira ga matasan duniya da su zo tare da mu a Nairobi don zaɓar yanayin duniya,” in ji shi.
Jami’ai a Gaza sun zaƙulo gawawwakin Falasɗinawa 21 daga cikin ɓaraguzai
Jami’an kare farar hula a Gaza sun zaƙulo gawawwaki 21 na Falasɗinawa daga cikin ɓaraguzai a ranar Lahadi bayan wani hari da Isra’ila ta kai a Zirin Gaza.
Wata majiya daga ɓangaren kiwon lafiya ta bayyana cewa an gano gawar mutum shida sakamakon harin da Isra’ila ta kai a birnin Rafah inda aka kai su asibitin Khan Younis.
Haka kuma an ƙara zaƙulo wasu gawawwakin uku daga cikin ɓaraguzai a yammacin Gaza, kamar yadda Hukumar Kare Fararen Hula ta Gaza ta bayyana a wata sanarwa.
READ ALSO: Isra’ila ta kashe Falasɗinawa 29 a harin da ta kai a wata makaranta a Gaza
Jami’an sun ƙara gano wasu gawawwakin goma a unguwar Tel al-Hawa da ke kudu maso yammacin Gaza.
Sai kuma mazauna sansanin gudun hijira na Nuseirat sun gano gawawwakin mutum biyu a tsakiyar Zirin Gaza, kamar yadda shaidu suka bayyana.
Faɗa da ruwan bama-bamai a birnin Gaza bayan ba da umarnin kwashe jama’a
An gwabza ƙazamin faɗa da ruwan bama-bamai a birnin Gaza da wasu yankunan Falasɗinawa a yau Juma’a yayin da masu shiga tsakani ke ci gaba da kokarin dakatar da yakin da ya shiga cikin wata na goma.
Shugaban Amurka Joe Biden ya faɗa a taron Ƙungiyar Tsaro ta NATO a birnin Washington jiya Alhamis cewa jami’an diflomasiyyar Amurka, duk da matsalolin da ake fuskanta, suna samun “ci gaba” tare da masu shiga tsakani na ƙasa da ƙasa wajen cimma yarjejeniyar tsagaita wuta tare da jaddada cewa “lokaci ya yi da za a kawo ƙarshen wannan yaƙi”.
KU KUMA KARANTA: Isra’ila ta kashe Falasɗinawa 29 a harin da ta kai a wata makaranta a Gaza
Kafofin yaɗa labarai masu alaƙa da mahukuntan yankin Hamas, sun ce sojojin Isra’ila sun ƙaddamar da sabbin hare-haren sama fiye da 70.
Ma’aikatar Lafiya ta Gaza ta ba da rahoton mutuwar mutum 32, tana mai cewa “an kai waɗanda suka mutun, waɗanda akasarinsu yara da mata ne zuwa asibitoci cikin dare, saboda kisan kiyashin da ake ci gaba da yi”.
Rundunar sojin Isra’ila ta ce tana kuma gwabza faɗa a yankin Rafah da ke kudancin ƙasar, inda dakarunta suka “kawar da ‘yan ta’adda da dama a hare-hare ta sama”.
Fursunoni sun tsere daga gidan yarin Nijar da ke tsare da masu ta da ƙayar baya
Ma’aikatar Harkokin Cikin gida ta Jamhuriyar Nijar ta ce ta umarci sassan bincike na ƙasar da su kasance cikin shirin ko ta kwana bayan da fursunoni suka tsere a ranar Alhamis daga gidan yari mai cike da mai tsaro na Koutoukale inda ake tsare fursunonin da suka haɗa da masu ikirarin jihadi.
Sanarwar da ma’aikatar ta fitar ba ta bayyana adadin fursunonin da suka tsere daga Koutoukale da ke da tazarar kilomita 50 daga arewa maso yammacin Yamai babban birnin kasar ba, ko kuma yadda suka yi hakan. A cikin shekarun 2016 da 2019, an taɓa daƙile yunƙurin fasa gidan yarin.
Fursunonin gidan yarin sun haɗa da waɗanda ake tsare da su daga rikicin kasar da kungiyoyin da ke ɗauke da makamai masu alaƙa da al Qaeda da IS da kuma waɗanda ake zargin mayaƙan Boko Haram ne.
Hukumomin yankin sun kafa dokar hana fita da dare a cikin garin Tillaberi, wanda ke yanki ɗaya da gidan yarin, amma ba su yi ƙarin bayani ba.
KU KUMA KARANTA: Fursunoni 118 sun tsere daga gidan yarin Suleja
Jamhuriyar Nijar da maƙwabtanta da ke tsakiyar yankin Sahel na cikin sahun gaba wajen yaƙi da masu ikirarin jihadi da ke ci gaba da ƙaruwa tun shekarar 2012, lokacin da mayaƙan da ke da alaƙa da al-Qaida suka fara ƙwace wasu sassan kasar ta Mali.
Dubban mutane ne aka kashe a cikin tashe-tashen hankulan tare da raba wasu sama da miliyan uku da muhallansu, lamarin da ya ƙara rura wutar rikicin jinƙai a wasu ƙasashe mafiya talauci a duniya.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano