Ruwan sama na kashe gobarar dajin Calofornia, ana ƙara fuskantar wata barazanar ta daban
Ruwan saman da ya fara sauka a busasshiyar kasar Kudancin California za su taimaka wa ma’aikatan kashe gobara wajen dakile harsunan gobarar daji da dama.
Amma ruwan sama kama da bakin kwarya a kan gaɓar tsaunuka da suka kone, na iya kawo barazanar sabbin matsaloli kamar malalowar toka mai guba.
KU KUMA KARANTA:Sabuwar gobarar daji ta tashi a jihar California ta Amurka
Ma’aikatan gundumar Los Angeles sun kwashe tsawon mako suna kawar da tarkacen itatuwa, da share fili, da kuma karfafa hanyoyi a wuraren da gobarar Palisades da Eaton suka lalata.
Hukumar Kula da Yanayi ta Kasa ta fada jiya Asabar cewa galibin yankin na iya samun kusan inchi daya na ruwan sama a cikin kwanaki da yawa, to amma “barazanar ta kai matsayin a yi mata shirin ko ta kwana,” na samun ruwan sama sosai da zai iya haifar malalowar laka da tarkace daga kan tsaunuka.
