Christiano Ronaldo ya ce har yanzu akwai sauran ƙwallayen da zai ci a bana bayan ya ci kwallonsa ta 50 a 2023.
Ya bayyana haka ne bayan ƙungiyarsa ta Al Nassr ta ci Al Shabab 5-2 a gasar Cin Kofin Sarkin Saudiyya.
Tsohon ɗan wasan na Manchester United da Real Madrid ya ci ƙwallon a kusa da kusa da kafarsa ta dama a minti na 74.
“Babban nasara kuma ina farin cikin sanar da cin kwallota ta 50 a 2023,” kamar yadda ɗan wasan na Portugal mai shekara 38 ya rubuta a shafinsa na Instagram bayan ƙwallon tasa ta taimaka wa kulob ɗin ya kai zagayen kusa da na ƙarshe a ranar Litinin.
“Ina godiya da irin goyon bayan da na samu daga ‘yan ƙungiyata da magoya bayana da kuma iyalina! Akwai sauran damar cin wasu a bana.”
Ɗan wasan ya ci aƙalla ƙwallo ɗaya a kusan duka wasan da ya buga wa ƙungiyar ta Al Nassr. Haka kuma ya ci ƙwallon goma ga Portugal a wasanni tara da ya buga a 2023.
