Ranar ‘yan jarida ta ƙasa: Za mu bada goyon baya wajen yaɗa sahihancin labarai da kare ‘yancin ‘yan jarida – Kwamared Rajab

Ƙungiyar ‘yan jarida ta Najeriya (NUJ) reshen jihar Yobe a ranar Laraba, ta bi sahun sauran ƙungiyoyin ‘yan jarida ta duniya domin bikin ranar ‘yancin ‘yan jarida ta duniya na shekarar 2023 wanda babban taron Majalisar Ɗinkin Duniya ya ayyana a watan Disambar 1993, biyo bayan shawarar babban taron UNESCO.

A cikin wata sanarwa da shugaban ƙungiyar ‘yan jarida reshen jihar Yobe, Kwamared Rajab Mohammed ya fitar tare da sanya wa hannu, ya kuma yabawa ‘ya’yan ƙungiyar bisa jajircewarsu wajen faɗakarwa, ilmantar da jama’a.

A cewar sanarwar, gudanar da biki kan muhimman ƙa’idojin ‘yancin ‘yan jarida na tantance halin da ‘yan jarida ke ciki a duk faɗin duniya, da kare kafafen yaɗa labarai daga hare-haren da ake kai musu kan ‘yancinsu, da kuma jinjinawa ‘yan jaridan da suka rasa rayukansu a bakin aikinsu.

Kwamared Rajab ya ci gaba da ‘Ci Gaban Majalisar Dokokin Ƙungiyar ta Jiha’ za ta ci gaba da bayar da goyon baya wajen tabbatar da sahihancin yaɗa labarai tare da kare ‘yan jarida a jihar.

KU KUMA KARANTA: Buhari ya taya ‘yan jarida murnar zagayowar ranar ‘yancin ‘yan jarida ta duniya

“Ranar 3 ga Mayu, ana bikin ranar tunawa da Windhoek a duk duniya a matsayin ranar ‘yancin ‘yan jarida ta duniya.

Bayan shekaru 30, alaƙar tarihi da aka yi tsakanin ‘yancin neman, bayarwa da karɓar bayanai da kuma amfanin jama’a ya kasance mai dacewa kamar yadda yake a lokacin da aka sanya hannu”.