Aƙalla mutum 32 da suka haɗa da yara 20 da manya 12 ne suka rasa rayukansu a wani hatsarin kwale-kwale a garin Ibbi da ke ƙaramar hukumar Ibbi a jihar Taraba.
Kwale-kwalen na ɗauke da masunta sama da 50 daga garin Ibbi zuwa Gabashin jihar a ranar asabar don yin su a yayin da ya kife a kusa da gaɓar kogin Benuwai.
Wani mazaunin garin Ibbi, Malam Ibrahim Ibbi, ya ce yara 20 da manya 12 ne suka mutu a hatsarin.
Gwamnan jihar, Agbu Kefas, ya bayyana lamarin a matsayin abun taƙaici, kwanaki kaɗan bayan faruwar wani hatsarin jirgin ruwan a Karim Lamido.
Ya jajanta wa al’ummar Ibbi tare da addu’ar Allah Ya jikan waɗanda suka rasu.
KU KUMA KARANTA: Manoma 4 sun mutu a hatsarin kwale-kwale a Nasarawa
Gwamna Kefas, ya ce gwamnati ta tashi tsaye wajen gudanar da bincike domin gano musabbabin yawan hatsarin kwale-kwale a jihar.
Gwamnan ya ce nan ba da jimawa da kansa zai zagaya yankunan da abin ya shafa da nufin ganawa da masu ruwa da tsaki a harkar sufurin ruwa.
Kazalika ya ce gwamnatinsa za ta ci gaba da aiki don ƙare rayukan al’ummar jihar.
Leave a Reply