Ƙasashen Waje
Mutane da dama sun mutu a wani harin bam a Somalia
![Mutane da dama sun mutu a wani harin bam a Somalia](https://neptuneprimehausa.com/wp-content/uploads/2024/07/20410882_0-0-760-428.jpeg)
Mutane da dama sun mutu a wani harin bam a Somalia
Adadin mutanen da suka mutu sakamakon tashin bam a wani gidan cin abinci da ke Mogadishu babban birnin ƙasar Somaliya ya haura zuwa mutum tara, kamar yadda majiyoyin tsaro suka shaida wa kamfanin dillancin labarai na AFP a ranar Litinin.
Lamarin ya faru ne bayan da wata mota maƙare da bam ta tarwatse a gidan abincin inda masoya ƙwallon ƙafa da suka je kallon wasan ƙarshe na gasar cin kofin nahiyar Turai ta Euro 2024.
”Fararen-hula 9 ne suka mutu, yayin da mutum 20 kuma suka jikkata sakamakon tashin bam ɗin,” a cewar wani jami’in hukumar tsaron ƙasar Mohamed Yusuf, adadin da ya ƙaru daga mutum biyar da hukumomi suka sanar ranar Lahadi da daddare.
“Akwai mutane da dama a wurin cin abincin, yawancinsu matasa ne da ke kallon wasan ƙwallon kafa. Muna godiya ga Allah kan cewa mafi yawansu sun samu hanyar fita da ransu cikin lafiya bayan da suka yi amfani da tsani wajen haurawa ta bayan katangar ginin wurin,” in ji shi.
KU KUMA KARANTA: Faɗa da ruwan bama-bamai a birnin Gaza bayan ba da umarnin kwashe jama’a
Hotunan da aka wallafa a shafukan intanet sun nuna yadda wuta da hayaƙi suka turnuke sama bayan da bam ɗin ya tashi a cikin shahararren wurin cin abinci da ke tsakiyar birnin.
Wani ɗan sanda Mohamed Salad da ya gane wa idonsa lamarin da ya faru ‘yan mintoci kaɗan bayan tashin bam ɗin ya shaida wa kamfanin dillacin labaran AFP cewa an gano gawawwaki da dama a ƙarƙashin ɓaraguzan ginin.
”Mutane biyar ne suka mutu a wajen ginin da kuma kan babban titi ciki har da direbobin motocin da ke wucewa ta hanyar wurin da lamarin ya auku,” in ji shi.
Munanan ayyukan ta’addanci
“Mutane huɗu ne suka mutu a cikin gidan abincin, an ciro wasu daga cikin ɓaraguzan gini,” in ji jami’in.
Kawo yanzu dai babu wata ƙungiya da ta dauki alhakin kai harin, amma kamfanin dillancin labarai na ƙasar Somaliya ya ce mayaƙan ƙungiyar ta’addanci ta Al-Shabaab ne suka kai harin.
Ƙungiyar Al-shabaab dai ta shafe fiye da shekaru 17 tana kai hare-haren ta’addanci kan gwamnatin Somaliya a Mogadishi da wasu sassan ƙasar.
Ƙasashen Waje
Isra’ila ta bai wa Falasɗinawan Gaza umarnin barin gidajensu – MƊD
![Isra'ila ta bai wa Falasɗinawan Gaza umarnin barin gidajensu - MƊD](https://neptuneprimehausa.com/wp-content/uploads/2024/08/140729085848_gaza_-4.jpg.webp)
Isra’ila ta bai wa Falasɗinawan Gaza umarnin barin gidajensu – MƊD
Majalisar Ɗinkin Duniya ta bayyana girman mamayar da sojojin Isra’ila suke yi wa yankin Gaza, tana mai cewa an kori kusan kashi 84 daga yankin.
Da yake bayani kan alƙaluman da Ofishin Babban Mai Kula da Harkokin Jinƙai na Majalisar (OCHA) ya tattara, mataimakin kakakin ofishin Farhan Haq ya shaida wa manema labarai cewa “luguden wuta da kuma kutsen da Isra’ila take yi a Gaza na ci gaba da kashewa da jikkatawa tare da korar Falasɗinawa daga matsugunansu, da kuma rusa gidajensu da sauran gine-gine da suka dogara a kansu.”
Ya ce, “Sau biyu sojoji suna bayar da umarni ga mutane su fita daga Khan Younis a ƙarshen mako, zuwa yankunan da a baya galibi aka umarci mutane su fice daga cikinsu.”
KU KUMA KARANTA: Dubban Falasɗinawa sun tsere daga wani yanki a tsakiyar Gaza
Wannan lamari ya shafi yankuna 23 da wurare 14 da ke samar da ruwa da tsaftar jama’a da kuma makarantu huɗu.
“Jimilla, sojojin Isra’ila sun kori mutane daga wurin da ya kai girman murabba’in kilomita 305, wato kusan kashi 84 na yankin Zirin Gaza,” in ji shi.
Ƙasashen Waje
DR Congo da Zambia sun fara tattaunawa game da rufe kan iyaka
![DR Congo da Zambia sun fara tattaunawa game da rufe kan iyaka](https://neptuneprimehausa.com/wp-content/uploads/2024/08/4512611-664201997.jpg)
DR Congo da Zambia sun fara tattaunawa game da rufe kan iyaka
Jamhuriyar Dimukuraɗiyyar Congo ta ce ta fara tattaunawa da Zambia kwana guda bayan da maƙociyarta ta kudancin Afirka ta rufe iyakarsu.
Matakin ya toshe babbar hanyar da Congo ke amfani da ita don fitar da Copper zuwa ƙasashen waje, a matsayinta na ƙasa ta biyu a duniya a yawan fitar da ƙarfen Copper.
A ranar asabar, ministan kasuwanci na Zambia, Chipoka Mulenga ya sanar da rufe iyakar na wani ɗan lokaci, bayan Congo ta saka haramcin amfani da lemon zaƙi da barasa da aka shigo da ita, inda ya haifar da zanga-zangar direbobin dakon kaya a garin Kasumbalesa da ke iyakar Zambia.
KU KUMA KARANTA: Ukraine ta kai ƙazamin hari kan yankunan iyaka na Rasha
“An fara tattaunawa tsakanin gwamnatocin Congo da Zambia tun ranar Lahadin nan, don hanzarta sake buɗe ƙofar iyakar tasu,” in ji wata sanarwa da Ma’aikatar Kasuwanci ta Congo ta fitar a ranar Lahadi.
“A awannin da suka biyo baya, ɓangarorin biyu za su haɗu a Lubumbashi da ke Haut-Katanga, don nemo mafita ta ƙarshe game da kasuwancin.”
Ministan Kasuwanci na Congo, Julien Paluku Kahongya, ya fitar da sanarwa a ranar Lahadi, inda yake cewa ma’aikatarsa ta samu sanarwa a hukumance game da taƙaddamar kasuwanci daga Zambia kafin ta sanar da rufe iyakar.
A sanarwar, ya yi dogon bayani game da yarjejeniyar kasuwancin ƙasashen biyu da kuma hanyoyin magance duk wata taƙaddama da ta taso.
“Ya zuwa yanzu babu wata taƙaddama da aka gabatar wa ma’aikatar a rubuce, ko ta hanyar diflomasiyya,” in ji shi. “Ma’aikatar ta shirya duba duk wata buƙata da Zambia ta kawo, matuƙar tana ƙunshe cikin yarjejeniyar, wadda ta hana ramuwar gayya.”
Congo ce ƙasa ta biyu a duniya a fannin samar da ƙarfen Copper, kuma ta zo ta 3 a 2023 wajen fitar da shi, bayan ta fitar da tan miliyan 2.84.
Zambia hanya ce mai muhimmanci ga Congo, wajen fitar da Copper, inda ake bi ta garin Kasumbalesa a shiga Zambia.
Ƙasashen Waje
An soke wasannin da Taylor Swift za ta yi i a Austria
![An soke wasannin da Taylor Swift za ta yi i a Austria](https://neptuneprimehausa.com/wp-content/uploads/2024/08/Taylor_Swift_at_the_2023_MTV_Video_Music_Awards_4.png)
An soke wasannin da Taylor Swift za ta yi i a Austria
Kamfanin Dillancin Labarai na AP ya ruwaito cewa da yawa daga cikin masoyan nata sun kashe dubban kuɗaɗen Euro wajen yin tafiya da kama otel da kuma abinci.
Masoyan Taylor Swift sun nuna rashin jin daɗinsu bayan da aka soke wasannin da mawaƙiyar za ta yi guda uku waɗanda tuni an kammala sayar da tikitinsu a Austria.
Soke wasannin ya biyo bayan bayanan sirri da hukumomin tsaro suka ce sun gano waɗanda ke cewa akwai a kai harin ta’addanci a birnin Vienna.
Da yawa daga cikin masoyanta sun ɗunguma zuwa shafukan sada zumunta don nuna rashin jin daɗinsu kan soke wasannin mawaƙiyar ta Amurka ‘yar asalin jihar Pennsylvania.
KU KUMA KARANTA;Ruwan sama ya lalata gidaje da dama a garin Faguji, jihar Bauchi
Wasu masoyan nata sun bayyana yadda suka kwashe watanni suna shirin halartar wasannin har ma suka ware wasu kaya na musamman da za su saka a lokacin.
Kamfanin Dillancin Labarai na AP ya ruwaito cewa da yawa daga cikin masoyan nata sun kashe dubban kuɗaɗen Euro wajen yin tafiya da kama otel da kuma abinci.
Hukumomi sun ce sun kama mutum biyu masu tsatstsauran ra’ayi, inda ɗayansu ya amsa yin mubaya’a ga ƙungiyar IS mai iƙirarin jihadi.
-
Kotu1 year ago
Kotu tayi watsi da ƙarar APC game da zaɓen Abba Gida Gida
-
Labarai11 months ago
Dalilin da ya sa na saka wa matata sasari – Wani magidanci a Potiskum
-
Ƙasashen Waje1 year ago
Ɗaliban Najeriya a Sudan sun nemi a kwaso su daga ƙasar
-
Labarai1 year ago
‘Yan banga sun kama wani mutum da ke yunƙurin sace yarinya a Kano