Masu garkuwa da mutane sun kashe mutum ɗaya, sun yi garkuwa da uku a Kwara – ‘Yan sanda

Rundunar ‘yan sandan jihar Kwara ta tabbatar da kashe mutum ɗaya tare da yin garkuwa da wasu mutane uku da wasu ‘yan bindiga da ake kyautata zaton masu garkuwa da mutane ne.

Kakakin rundunar, Ajayi Okasanmi, ya ce lamarin ya faru ne a ranar 16 ga watan Mayu a Ijara-Isin, cikin ƙaramar hukumar Isin.

An tura jami’an Mista Okasanmi zuwa yankin domin ceto waɗanda lamarin ya shafa tare da kamo waɗanda ake zargin.

Wata majiya da ta nemi a sakaya sunanta, ta bayyana sunan mamacin da Adeyemi na Pamo Isin.

Ya shawarci jama’a da su kasance masu lura da tsaro da kuma kai rahoton duk wani motsi da ake zargin ana kai wa jami’an tsaro domin hana afkuwar rikici.