Wani mai wankin mota ya tsallake rijiya da baya lokacin da ya yi hatsari da matar lokacin da ya gwada tuƙata a unguwar Rumueme da ke Fatakwal a jihar Ribas.
Mai amfani da Facebook, Justice Ori wanda ya wallafa hotuna daga wurin ya ce lamarin ya faru ne da yammacin Lahadi, 29 ga Oktoba, 2023.
“Ya faru da yammacin yau a unguwar Rumueme da ke Fatakwal. Wani mutum ya tuƙa motarsa ya nufi wajen wankin mota, mai wankin mota bayan ya wanke motar ya yanke shawarar gwada ƙwarewarsa ta hanyar tuƙa motar, abu na gaba da muka gani shi ne motar ta tsunduma a cikin magudanar ruwa.
Mutanen da ke kusa da wajen sun taimaka sun fitar ta daga magudanar ruwan, yayin da mai wankin motar ya tsira da ransa. Motar ta ci karo, ta karce, yayin da mai motar bai san faruwar lamarin ba har zuwa lokacin da aka buga wannan labari,” ya rubuta.
