Fyaɗe
Mahaifi ya yi wa ’yar cikinsa mai shekara 13 fyaɗe
Wani mahaifi mai shekara 42 mai suna Babatunde Afolayan, ya faɗa komar jami’an ’yan sanda a Jihar Legas, bisa zarginsa da shafe tsawon shekara uku yana yi wa ’yar cikinsa fyaɗe.
Aminiya ta rawaito cewa mutumin, wanda mazaunin unguwar Ikorodu ne da ke Jihar ta Legas, ya riƙa yi wa ɗiyar tasa fyaɗe tun tana shekara 10 a duniya.
Asirin mutumin ya fara tonuwa ne a lokacin da malaman makarantar da ‘yar tasa take zuwa suka fahimci tana wasu sababbin ɗabi’u, wanda hakan ya sa suka miƙa ta wajen limamin makarantar domin ya ba ta shawarwari.
Bayanai sun nuna a yayin ɗaya daga cikin irin waɗannan zaman na ba da shawara ne yarinyar ta bayyana wa limamin cewa mahifin nata ya shafe tsawon shekara uku yana lalata da ita.
Wata majiya a makarantar da ta nemi a sakaya sunanta saboda ba ta da hurumin yin magana ta ce ce, “An fara gano bakin zaren ne a lokacin da aka ga yarinyar ta fara nuna wasu bakin halaye da ba kasafai ake ganin yara da su ba, kuma babu wanda ya san me ya kamata a yi a kai.
KU KUMA KARANTA: Matashi ya yi wa ’yar shekara 62 fyaɗe a Borno
“Haka ne ya sa aka kai ƙorafin ga shugaban makarantar, wanda shi kuma ya yanke shawararcewa za a tura ta wajen limamin makarantar domin ya ba ta shawara.”
Bayan haka ne sai shugaban makarantar ya kai ƙorafin ga wani ofishin ’yan sanda da ke kusa da makarantar, wanda hakan ya kai ga kama mahaifin yarinyar, yayin da ita kuma aka garzaya da ita asibiti domin a duba lafiyarta.
Da wakilinmu ya tuntuɓi Kakakin Rundunar ’yan sandan jihar, Benjamin Hundeyin, ya tabbatar da faruwar lamarin.
Ya ce, “Yanzu haka wanda ake zargin yana hannunmu, ita kuma yarinyar an garzaya da ita asibiti ana duba lafiyarta. Yanzu haka kuma ana ci gaba da gudanar da bincike a kan lamarin,” i ji shi.
Wata kotu a Sifaniya ta ba da belin tsohon ɗan ƙwallon ƙafar Brazil da kuma Barcelona, Dani Alves, kan dala miliyan 1.1.
Sauran sharuɗɗan belin sun haɗa da cewa Alves zai ajiye fasfo ɗinsa na Brazili da na Sifaniya, domin gudun ka da ya fice daga Sifaniyar.
A ranar Laraba ne wata kotun Barcelona ta ce za a iya sakin Dani Alves daga gidan yari kan belin dala miliyan 1.1, yayin da yake aukaka ara kan shari’ar da ake masa kan aikata fyaɗe, bayan ya yi zaman kusan kwatan wa’adin shekaru huɗu na hukunci.
Haka nan kuma, kotun ta ɗora masa dokar hana Alves zuwa kusa da wadda ya aikata laifin kanta, da tazarar mita 1,000.
KU KUMA KARANTA: Ana yi wa yara fyaɗe sakamakon yaƙin da ke faruwa a Sudan – MƊD
An tsare tsohon ɗan wasan baya na Barcelona da Juventus da PSG a wani gidan yari na Barcelona tun watan Janairun 2023.
An yanke wa Alves hukunci ranar 22 ga Fabrairu, kan laifin yi wata mata fyaɗe a banɗaki wani gidan rawa na Barcelona a 2022, kuma aka umarce shi ya biya ta Euro dubu 150,000.
Sai dai ya ɗaukaka ƙara kan hukunci, kasancewar hukuncin ba shi ne na ƙarshe ba.
An kama wani hedimasta a jihar Bauchi da laifin yi wa ‘yar shekara 6 fyaɗe.
Mai shari’a Nana Fatimah Jibrin, shugabar babbar kotun jihar Bauchi mai lamba 11, ta yanke hukuncin ɗaurin shekaru 11 a gidan kaso ga wani Hedimasta a garin Burra da ke ƙaramar hukumar Ningi mai suna Jalaludeen Zakari bisa samunsa da laifin yin lalata da wata yarinya yar shekara 6.
Yarinyar ta kasance a makarantar don yin jarabawar shiga makarantar amma Zakari ya tsare ta tsawon sa’o’i bayan an rufe makarantar a hukumance.
Barista Dayabu Ayuba, lauya mai shigar da ƙara kuma lauyan jiha a ma’aikatar shari’a ta jihar Bauchi, wanda ya bayyana hakan yayin wata tattaunawa da manema labarai a ranar Talata, 2 ga watan Janairu, 2023, ya ce wanda ake tuhumar ya shigar da yatsarsa a cikin al’aurar yarinyar.
KU KUMA KARANTA: Shekara 3 bayan ya yi wa ‘yar shekara 4 fyaɗe, kotu ta yanke mishi hukunci
Ayuba ya ce a lokacin da ake shari’ar, shaidu uku ciki har da wanda aka yi wa lalata, sun ba da shaida a gaban kotun.
“Mai laifin ya buƙaci yarinyar da ta tsaya, ya sallami sauran ɗaliban bayan an tashi daga makaranta, ba tare da bayar da dalilin tsawaita zaman yarinyar ba.
Yayin da aka bar ta a baya, hedimasta ya ya kai mata harin lalata, wanda ya yi daidai da fyaɗe a shari’ance,” inji shi.
Ayuba ya ce an yanke hukuncin ne a watan Yulin wannan shekara bayan Jalaludeen ya roƙi kotu da ta yi masa sassauci.
Wata babbar kotun majistare da ke zamanta a Birnin kebbi ta samu wani matashi ɗan shekara 16 Habibu Umar da laifin yin lalata da yara ƴan mata kuma aka yanke masa hukuncin ɗaurin shekaru uku a gidan gyaran hali.
Ɗan sanda mai gabatar da ƙara Insp. Muntari Mati, a ranar Alhamis, 23 ga watan Nuwamba, 2023, a wata ƙara mai lamba BK/538C/223, ya gabatar da Habibu Umar a gaban kotu bisa tuhuma guda ɗaya na cin zarafi ta lalata wanda ya saɓawa sashe na 263 na ƙundin laifuffukan Penal na jihar Kebbi.
Habibu ya amsa laifin da ake tuhumarsa da shi a gaban kotu, Alkalin Kotun Samaila Kakale Mungadi don haka ya yanke wa Habibu hukuncin ɗaurin shekaru uku a gidan yari tare da zaɓin biyan tarar naira dubu ɗari da hamsin (N150,000).
KU KUMA KARANTA: An kama yaro ɗan shekara 16 a Kebbi bayan ya yi wa ƙananan yara 2 fyaɗe
Zaku iya tuna cewa Neptune Hausa ta ruwaito cewa jami’an tsaron Masarautar Gwandu ne suka kama Habibu Umar wanda hakan ya sa aka ƙara ɗaukar mataki.
Bayan an yi masa tambayoyi na farko a Fadar Ubandoman Gwandu, daga baya aka miƙa shi ga hukumar Hisbah ta jihar Kebbi, bayan da aka yi zargin ya lalata wasu ƙananan ‘yan mata biyu masu shekaru biyar da shida a wani daji da ke tsakanin unguwar Badariya da Barikin Sojoji a Birnin kebbi a ranar 21 ga Nuwamba 2023.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano