Ƙasashen Waje
Ma’aikatan BBC sun yi zanga-zanga kan dakatar da abokin aikinsu
A ranar 11 ga Maris na 2023, a hedkwatar gidan rediyon BBC da ke birnin Landan, Sashen wasanni na BBC ya gamu da cikas a ranar asabar bayan da masana da masu sharhi suka ki yin aiki don nuna goyon baya ga mai gabatar da shirye-shirye, Gary Lineker, wanda aka tilasta masa ja da baya, bayan ya zargi gwamnati da yin amfani da kalamai na zamanin Nazi.
Mai gabatar wa Lineker, ɗan wasan Ingila na huɗu da ya fi zura kwallo a raga, ya haifar da cece-kuce ta hanyar sukar sabuwar manufar gwamnatin Birtaniyya na magance matsalar baƙin haure ba bisa ƙa’ida ba.
Lineker, ɗan shekaru 62 da haihuwa, ya kwatanta harshen da aka yi amfani da shi wajen ƙaddamar da sabuwar manufar da ta Jamus a zamanin Nazi a shafin Twitter, a ranar juma’a, abin da BBC ta ce ya “ƙetare ka’idojinmu.”
BBC ta yanke shawarar cewa zai janye daga gabatar da shirin Match of the Day har sai mun samu matsaya mai ma’ana kan amfani da kafafen sada zumunta,” in ji mai watsa labaran a cikin wata sanarwa.
KU KUMA KARANTA: Yadda BBC ta rasa ƙwararrun ma’aikatanta tara da suka koma TRT
Lineker mai watsa shirye-shirye ne mai zaman kansa na BBC, ba memba na dindindin ba ne, kuma ba shi da alhakin labarai ko abubuwan siyasa don haka baya buƙatar bin ƙa’idodin ƙaƙƙarfan ƙa’idodi na rashin son kai.
Nan take Pundits da tsoffin ‘yan wasan Ingila Ian Wright da Alan Shearer suka yi rubutu ta kafar twitter cewa su ma ba za su shiga ayi shirin da su ba, sai kuma masu sharhin shirin, daga nan sai Wright ya faɗa a faifan bidiyonsa a ranar asabar cewa zai bar BBC idan aka kori Lineker.
BBC ta sanar da cewa, wasannin da suka fi ɗaukar hankali, wasan daren asabar tun 1964 da kuma shirin talabijin na ƙwallon ƙafa mafi dadewa a duniya, za a nuna shi ba tare da ƙwararru ko mai gabatarwa a karon farko ba.
Har ila yau, sanarwar ta ce ba za a nemi ‘yan wasan da su yi hira da su ba bayan wasu sun nuna ba za su samu goyon bayan Lineker ba,abin da ya ƙara dagula hargitsi, masu gabatar da shirye-shirye da masu sharhi sun fice daga jerin shirye-shiryen rediyo da talabijin na BBC, wanda ya tilasta soke shirye shiryen, da kuma watsa shirye-shirye na maimaici maimakon watsa shirye-shiryen kai tsaye na cunkoson wasannin ranar Asabar.
“Mun yi nadama kan waɗannan sauye-sauyen da muka gane za su zama abin kunya ga masu sha’awar wasanni na BBC,” in ji mai watsa labaran.
“Muna aiki tukuru don warware lamarin kuma muna fatan yin hakan nan ba da dadewa ba.”
Shi kansa Lineker bai yi magana da manema labarai ba, amma an hange shi a kulob din Leicester City na mahaifarsa a wasansu da Chelsea a gasar Premier.
Rikicin ya samo asali ne sakamakon martanin da Lineker ya bayar ga wani faifan bidiyo da sakatariyar harkokin cikin gida Suella Braverman ta bayyana shirin daƙatar da baƙin haure da ke tsallakawa tashar a kan ƙananan jiragen ruwa.
Lineker, tauraron ma’akaci ne da ya fi kowa albashi a BBC, ya rubuta a shafinsa na Twitter cewa, “Wannan wata manufa ce kawai ta zalunci da aka yi wa mafi rauni cikin yare da yayi kama da wanda Jamus ta yi amfani da shi a shekarun 30s.”
Gwamnatin masu ra’ayin mazan jiya na da niyyar haramta neman mafaka daga dukkan baƙin haure ba bisa ƙa’ida ba, tare da miƙa su wasu ƙasashe, kamar Rwanda, a wani yunƙuri na daƙatar da tsallakawar baƙin haure, wanda ya kai sama da 45,000 a bara.
Ƙuri’u jin ra’ayin jama’a ta YouGov da aka buga a ranar Litinin ya nuna kashi 50 cikin 100 na goyon bayan matakan, yayin da kashi 36 na adawa.,sai dai ƙungiyoyin kare haƙƙin bil adama da Majalisar Dinkin Duniya sun ce dokar za ta mayar da Biritaniya ta zama doka ta ƙasa da ƙasa a ƙarƙashin yarjejeniyar turai da majalisar ɗinkin duniya.
Wasu ‘yan majalisar dokokin Tory 36 sun aike da wasika ga BBC suna gargadin cewa lamarin “ba shakka zai girgiza ƙwarin gwiwar da mutane da yawa ke da shi a kanta” kan rashin nuna son kai na kamfanin.
Matakin na BBC ya janyo ce-ce-ku-ce daga ’yan siyasa da masu faɗa a ji, waɗanda da yawa daga cikinsu sun zarge ta da kin biyan buƙatun ‘yan majalisar masu ra’ayin rikau.
Shugaban ‘yan adawar Labour Keir Starmer ya ce BBC “sun sami wannan ba daidai ba kuma yanzu an fallasa su sosai”, yayin da takardar neman a maido da Lineker ta jawo kusan sa hannun mutane 160,000.
Tsohon darakta janar na BBC Greg Dyke ya ce gidan rediyon ya yi kuskure.
“Ainihin matsalar a yau ita ce, BBC ta zubar da mutuncinta ta hanyar yin hakan,” kamar yadda ya shaida wa gidan rediyon, ya ƙara da cewa hakan na iya haifar da tunanin cewa “BBC ta durƙusa ga matsin lambar gwamnati.”
Batun ya jawo ce-ce-ku-ce na tsawon shekaru da BBC ta yi kan rashin nuna son kai, wanda a cikinsa ya ƙara tsananta bayan da Birtaniya ta kaɗa ƙuri’ar ficewa daga Tarayyar Turai a shekara ta 2016.
Magoya bayan Brexit sun yi iƙirarin cewa ɗaukar hoto na kamfani yana nuna son kai a kansu, yayin da bangaren hagu ya yi iƙirarin cewa ya ba masu gabatarwa damar yin kalaman batanci ga tsohon shugaban Labour Jeremy Corby.
Rikicin na Lineker ya zo a wani lokaci mai zafi musamman bayan zargin cewa shugaban BBC Richard Sharp ya sauƙaƙe lamuni ga tsohon Firayim Minista Boris Johnson yayin da yake neman aikin.
Farashin man fetur zai ƙaru a watan Yuli a Ghana – COPEC
Ƙungiyar Kare Haƙƙin Masu Amfani da Man Fetur a Ghana ta yi hasashen cewa akwai yiwuwar a samun ƙarin farashin man fetur a ƙasar a farkon watan Yulin 2024.
Ƙungiyar ta Chamber for Petroleum Consumers (COPEC) ta ce akwai alamu masu ƙarfi da ke nuna cewa farashin fetur da man dizel da gas zai ƙaru baki ɗaya a gidajen man da ke faɗin ƙasar, kamar yadda kamfanin watsa labarai na ƙasar Ghana ya ruwaito.
COPEC ɗin ta ce za a samu ƙarin farashin ne sakamakon yadda farashin Cedi ɗin a ƙasar ke ƙara karewa idan aka kwatanta da dalar Amurka.
COPEC ɗin ta yi hasashen cewa farashin man fetur ɗin wanda za a rinƙa sayarwa a gidan mai zai ƙaru da kashi 2.17 cikin 100, wanda hakan ke nufin zai ƙaru daga Cedi 14.17 zuwa Cedi 15.20 a duk lita.
Sai kuma farashin dizel ana sa ran ya ƙaru zuwa 15.21 a kowace lita ɗaya, sai kuma na gas ya koma tsakanin Cedi 13.24 zuwa Cedi 14.64 a duk kilo ɗaya.
KU KUMA KARANTA: Ɗan Ghana ya kafa tarihi na rungumar bishiyoyi a duniya
Ƙungiyar ta COPEC ta bayar da shawara ga gwamnatin Ghana da ta yi duk mai yiwuwa domin rage harajin da yake a kan gas ko kuma yin tallafi a farashinsa domin bayar da dama ga ‘yan ƙasar su same shi a farashi mai rahusa.
Ta kuma yi ƙira ga gwamnati da kada ta yi ƙasa a gwiwa wajen dawo da matatar mai ta Tema a kan aiki (TOR) don kaucewa ko kuma rage shigo tattacen man fetur wanda a wani lokacin ake samun gurɓatacce.
An kammala zagayen farko na zaɓen shugaban ƙasa a Iran
Daga Ibraheem El-Tafseer
Me magana da yawun Shelkwatar zaɓe ta Iran Dakta Muhsin Elsami, ya sanar da cewa, an kammala lissafi ƙuri’a Miliyan 25 na zaɓen shugaban ƙasar Iran wanda aka fara ranar juma’a.
‘Yan takara 6 ne suka tsallake matakin ƙarshe yayin da 2 suka fice saboda ra’ayin kai, ana zaɓe saura kwana 2.
Dakta Mas’ud Pezeshkian shi ne kan gaba da ƙuri’a Miliyan 10.415.991
Dakta Sa’ed Jalili ya samu ƙuri’u Miliyan 9.473298
Se kuma Dakta Qalibaf ya samu ƙuri’a Miliyan 3.383.340
Sai Ayatullah Musfata ya samu ƙuri’a 206.397.
Yanzu haka an fitar da Dakta Baqir Qalibaf da Ayatullah Musfata da suke da ƙarancin ƙuri’a, ya rage saura Dakta Jalili da Dakta Mas’ud Pezeshkian da ken gaba.
KU KUMA KARANTA: Iran ta tabbatar da mutuwar shugaban ƙasar, Ebrahim Ra’isi, a hatsarin jirgin sama
Jami’i Muhsin Elsami ya sanar da cewa za’a shiga matakin zaɓe na 2 ranar Juma’a mai zuwa inda za a kara tsakanin Dakta Jalili da Dakta Mas’ud.
Cikin su duk wanda ya samu kaso 50 ya zama shugaban ƙasar Iran, wanda zai maye gurbin Shahid Ebrahim Ra’isi wanda ya rasu sanadiyyar hatsarin jirgin Helikofta, a watan da ya gabata.
Turkiyya ta yi tur da kalaman ministan Isra’ila kan Shugaba Erdogan
Ma’aikatar Harkokin Wajen Turkiyya ta yi Allah wadai da wani saƙo da Ministan Harkokin Wajen Isra’ila, Israel Katz ya wallafa a shafukan sada zumunta a baya-bayan nan kan shugaban ƙasar Turkiyya Recep Tayyip Erdogan, inda ta bayyana hakan a matsayin wani yunƙuri na Isra’ila na ɓoye laifukanta.
Sanarwar da Ma’aikatar Harkokin Wajen Turkiyya ta fitar a ranar Talata ta ce “Muna daukar wannan matsayi na rashin mutuntawa da Ministan Harkokin Wajen Isra’ila ke yi wa mai girma shugaban kasarmu a matsayin wani lamari da za a ji shi ne kawai daga bakin ƙasar da ake zarginta da kisan kiyashi.”
Yayin da take suka da kakkausar murya a shafukan sada zumunta, ma’aikatar ta ce: “Irin wannan ƙazafi da ƙarya wani ɓangare ne na ƙoƙarin Isra’ila na ɓoye laifukan da ta aikata.”
Turkiyya ta ƙara da cewa, za ta ci gaba da fafutukar tabbatar da zaman lafiya da adalci.
KU KUMA KARANTA: Ana lalata mutuncin bil’adama a Gaza – Ministan Turkiyya
Isra’ila, wadda ta yi fatali da ƙudurin Kwamitin Sulhu na Majalisar Dinkin Duniya da ke neman tsagaita wuta cikin gaggawa, ta fuskanci tofin Allah-tsine a tsakanin kasashen duniya a ci gaba da kai munanan hare-hare kan Gaza tun ranar 7 ga Oktoba, 2023.
Fiye da Falasɗinawa 37,700 aka kashe tun daga lokacin a Gaza, yawancinsu mata da yara, kuma kusan wasu 86,400 sun jikkata, a cewar hukumomin lafiya na yankin.
Sama da watanni takwas da yakin Isra’ila a Gaza, inda yankuna da dama suka zama kufai a cikin yankin da aka yi wa ƙawanya da hana shigar da abinci da ruwan sha da magunguna.
Ana tuhumar Isra’ila da aikata kisan kiyashi a Kotun Duniya, wanda hukuncin na baya-bayan nan ya umarci Tel Aviv da ta dakatar da kai hare-hare a kudancin birnin Rafah, inda Falasɗinawa sama da miliyan guda suka nemi mafaka daga yakin kafin a mamaye shi a ranar 6 ga watan Mayu.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano