Muƙaddashin Sufeto Janar na ‘yan sandan Najeriya, IGP, Olukayode Egbetokun, ya umurci ma’aikatan lafiya a faɗin ƙasar nan da su yi jinyar waɗanda harbin bindiga ya rutsa da su ba tare da rahoton ‘yan sanda ba.
Egbetokun ya ce umarnin ya zama dole bisa ga Dokar Tilastawa da Kula da waɗanda aka yi wa harbin bindiga, 2017.
A cikin bayanan cikin gida na ‘yan sanda mai kwanan wata 25 ga Oktoba, 2023, da kuma jawabi ga dukkan Mataimakan Sufeto-Janar na ‘yan sanda, kwamishinonin ‘yan sanda da kwamandojin kwalejojin ‘yan sanda a Ikeja, Kaduna, Oji-River, Maiduguri da Enugu. IGP ɗin ya buƙaci a yaɗa ta sosai domin jama’a su sani suna bin dokar ƙasa.
KU KUMA KARANTA: Shugaban hukumar tsaro ya ajiye aiki kan zargin alaƙa da ‘yan bindiga daga naɗa shi
Yace “Na gabatar da kwafin wasiƙar HMSH&SW/IG/CTCV/ 10/2023 mai kwanan wata 3 ga Oktoba, 2023, da aka samu daga Ma’aikatar Lafiya da Jin Daɗin Jama’a na Tarayya kan batun da ke sama, na rubuta don isar da umarnin Sufeto-Janar. ‘Yan sandan da kuka bi kuma ku aiwatar da tanade-tanaden Dokar Tilastawa da Kula da waɗanda aka yi wa harbin bindiga na 2017 ba tare da wata shakka ba.
“Sufeto-Janar na ‘yan sandan ya ƙara ba da umarnin cewa ku mai da wannan batu na lakca, kuma ku riƙa yaɗawa domin jama’a su san muna bin dokar ƙasa.”
