Kenya ta amince da baiwa ‘yan Afrika izinin shiga ƙasar kyauta
Daga yanzu Kenya za ta ƙyale kusan dukkanin ‘yan Afrika su ziyarci ƙasarta ba tare da neman iznin yin hakan ba, a matsayin sabon umarni daga majalisar zartarwar ƙasar.
Sanarwar da majalisar zartarwar ta fitar ta fayyace cewar za’a soke bukatar neman iznin tafiye-tafiye ga ilahirin ‘yan Afrika, in banda ‘yan kasashen Somaliya da Libya, saboda dalilai na tsaro.
KU KUMA KARANTA:Kenya ta janye shirin ƙarin albashi ga ma’aikatan gwamnati
A karkashin tsarin da aka yiwa kwaskwarima, za’a kyale galibin ‘yan Afrika su shiga Kenya kyauta ba tare da neman izini ba tsawon watanni 2.
Buga da kari, za’a kyale mambobin kungiyar kasashen gabashin Afrika-da suka hada da Uganda, Tanzaniya, Rwanda da Burundi-su zauna a kasar tsawon watanni 6 a bisa dacewa da manufar kungiyar.
