Shugaban Kamfanin Sokodeke Cargo Travels and Tour Ltd., Ibrahim Mohammad, ya gargaɗi maniyyatan Najeriya da su guji saye da sanya haramtattun kayayyaki a cikin jakukkunan da aka amince da su.
Mohammed ya yi wannan ƙiran ne a wata tattaunawa da ya yi da Kamfanin Dillancin Labaran Najeriya a filin jirgin sama na Sarki Abdulaziz da ke Jeddah na ƙasar Saudiyya ranar Asabar.
Shugaban, wanda ya gargaɗi alhazai kan ɗaukar kayayyakin da ba za su yi girma ba ta hanyar tantancewa a filin jirgin sama, ya tunatar da su cewa aikin hajji ba bikin baje koli ba ne, amma ɗaya daga cikin rukunan Musulunci guda biyar.
KU KUMA KARANTA: Za mu nemi ƙarin kujerun hajji a shekara mai zuwa – NAHCON
Ya kuma jaddada buƙatar dukkan masu ruwa da tsaki a aikin hajji a Najeriya da su ƙara himma wajen ilmantar da alhazai da wayar da kan alhazai domin tabbatar da sun mutunta kayyakin da aka amince da su, da kaucewa wuce gona da iri da kuma abubuwan da aka haramta.
“Muna buƙatar mu inganta saboda na lura da ƙalubale da dama da ke tasowa daga auna kayan alhazai.
Yawancinsu har yanzu suna sayen kayayyakin da aka haramta kamar keke da ma ruwan Zam Zam suna sakawa a cikin kayansu.
“Don haka ina ganin wasu daga cikin ƙungiyoyin da ke da alhakin ilmantar da alhazai da wayar da kan alhazai akwai buƙatar su tashi tsaye domin duk mun san da ƙyar gwamnatin Saudiya ke yankewa.
“Waɗannan wasu daga cikin batutuwan da za su kasance wani ɓangare na tattaunawarmu da masu ruwa da tsaki a aikin hajji a lokacin da muka dawo Najeriya,” in ji shi.
Ya bayyana cewa hukumar alhazai ta ƙasa NAHCON, ta ba da izini ga Sokodeke Cargo Travels don taimaka wa alhazan Najeriyar domin isar da kayan da suka wuce gona da iri kan Najeriya.
Shugaban wanda ya jaddada ƙudirin kamfanin na ganin an gaggauta kai kayan alhazai, ya ce wasu kwastomominsu sun fara karɓar kayansu daga aikin hajjin bana.
“Yayin da nake magana da ku a yanzu, zan iya gaya muku bisa hukuma cewa wasu kwastomominmu a Najeriya sun riga sun karɓi kayansu tsawon kwanaki huɗu zuwa biyar.
“Idan muka samu kamar tan biyar ba mu jira. Wasu suna iya tafiya ta ruwa amma namu sa’o’i bakwai ne a kowace rana kuma kayanmu suna cikin Najeriya.
“Wannan shekarar ba ita ce karo na farko ko na biyu ba a wannan aiki. Bayan hutu saboda cutar ta COVID-19, wannan shi ne lokacin da muke sake bayyana kan wannan aikin.”
