Jirgin ‘Max Air’ ya tunkuyi ƙasa wajen sauƙa a filin jirgin saman Mallam Aminu Kano
Daga Jamilu Lawan Yakasai
Jigin saman Max Air ƙirar Boeing 737 wanda ya dauko fasinjoji daga Jihar Lagos zuwa Jihar Kano ya tunkuyi ƙasa wajen sauƙa a filin jirgin saman Mallam Aminu Kano a daren jiya Talata.
Wasu da abun ya faru a akan idanun su sun ce dirar jirgin ke da wuya tayar gaba ta fashe, kuma ta kama da wuta. Daga nan sai jirgin ya yi taga-taga, goshinsa ya tunkuyi ƙasa.
KU KUMA KARANTA:Jirgin Max Air ya tsallake rijiya da baya sakamakon fashewar tayoyi a Yola
Tuni dai ma’aikatan kwana-kwana su ka daƙile faruwar gobara a jirgin, kuma fasinjoji su ka yi maza su ka fito daga jirgin.
Rahonanni sun nuna cewa babu asarar rayuka ko rauni ga fasinjoji da ma’aikatan jirgin.
