Isra’ila ta kashe Falasɗinawa da dama a Gaɓar Yammacin Kogin Jordan
Isra’ila ta kashe Falasɗinawa aƙalla goma a hare-hare ta sama da samame da ta kai a wasu garuruwa da ke arewa da Gaɓar Yammacin Kogin Jordan, a cewar mai magana da yawun ƙungiyar bayar da agaji ta Red Crescent.
KU KUMA KARANTA: An kama masu zanga-zangar goyon bayan Falasɗinawa a Chicago
Jiragen yaƙin Isra’ila sun kashe Falasɗinawa biyu a birnin Jenin, da kuma mutum huɗu a wani ƙauye da ke maƙotaka da birnin, da mutum huɗu a wani sansanin ‘yan gudun hijira da ke kusa da garin Tubas, in ji Ahmed Jibril, jami’in ƙungiyar bayar da agajin.
