Ƙasashen Waje
Isra’ila na tsoro kada Amurka ta amince da ƙasar Falasɗinu
Isra’ila na cike da tsoro game da matakin Amurka na neman a kafa ƙasar Falasɗinu a Gaɓar Yammacin Kogin Jordan da yankin Gaza da aka mamaye, kamar yadda kafofin watsa labaran ƙasar suka rawaito.
“Majiyoyi na siyasa sun bayyana damuwarsu game da matakan da gwamnatin Amurka take ɗauka cikin gaggawa na samar da ƙasar Falasɗinu a Gaɓar Yammacin Kogin Jordan da Zirin Gaza da aka mamaye a ƙarƙashin sabon tsari na Hukumar Falasɗinu,” a cewar jaridar Maariv ranar Juma’a.
“A cewar jami’an gwamnatin Amurka, Ma’aikatar Harkokin Ƙasashen Waje tana duba yiwuwar amincewa da ƙasar Falasɗinu a wani babban tsari na siyasa,” in ji jaridar.
Jaridar ta bayyana cewa idan hakan ya faru za a samu “juyin-juya-hali na siyasa.”
Kawo wannan lokaci, duka gwamnatocin da suka gabata a Amurka sun ƙi amincewa da ƙasar Falasɗinu, suna masu hakan zai faru ne idan Falasɗinawa da Isra’ilawa suka amince da yarjejeniyar kafa ƙasar.
KU KUMA KARANTA: Iraƙi ta haramta wa wasu bankunan ƙasar 8 hada-hada da Dalar Amurka
Washington ta ƙalubalanci zaman Falasɗinu cikakkiyar ƙasa a zauren Majalisar Ɗinkin Duniya inda ta riƙa hawa kujerar-na-ƙi a Kwamitin Tsaro na Majalisar, na baya bayan na shi ne wanda ta yi a 2011.
Amma Isra’ila ta soma lura da himmar da gwamnatin Biden take yi ta amincewa da kafa ƙasar Falasɗinu ko da kuwa ba tare da yardarta ba, in ji jaridar.
“Kwanakin baya Sakataren Harkokin Wajen Amurka Antony Blinken ya bai wa ma’aikatan ofishinsa umarni su tsara takardu na yiwuwar Amurka ta amince a kafa ƙasar Falasɗinu ba tare da neman yardar Isra’ila ba,” kamar yadda jaridar ta rawaito.
Mutumin da ya fi kowa tsallake haɗari a duniya ya mutu
Daga Ibraheem El-Tafseer
Frane Selak ya kasance wanda ya fi kowa tsallake rijiya da baya a duniya.
A shekarar 1962 ya tsallake haɗarin jirgin ƙasa wanda mutane 17 suka mutu, a 1963 jirgi ya faɗi da shi kowa ya mutu sai shi kaɗai ko ƙwarzane bai yi ba.
A shekarar 1966 motar safa ta lume da su a rafi mutum huɗu sun mutu amma Frane bai samu ko ƙwarzane ba a yayin da a shekarar 1973 motarsa ta kama da wuta ya tsallake rijiya da baya, ya kuma tsallake haɗarin taho mu gama da mota ta yi da shi ya tsira ya kuma lashe yuro dubu ɗari takwas a Caca a shekarar 2003.
KU KUMA KARANTA: Labarin zuwa Hajji mai ban mamaki
Isra’ila ta ƙaddamar da sabbin hare-hare a kudancin Gaza
Isra’ila ta ƙaddamar da sabbin hare-hare a kudancin Gaza, inda ta tilasta wa ɗaruruwan Falasɗinawa tserewa bayan da soji suka kuma ba da umarnin ƙaurace wasu yankuna masu yawan jama’a.
KU KUMA KARANTA: Sojojin Isra’ila sun ce an yi musayar wuta da dakarun Masar
Waɗanda suka shaida lamarin sun ce an kai hari da dama a ciki da wajen birnin Khan Younis, inda aka hallaka mutane takwas kuma mutane sama da 30 suka samu raunuka, cewar wata majiyar lafiya da kuma ƙungiyar Red Crescent ta Falasɗinawa.
Farashin man fetur zai ƙaru a watan Yuli a Ghana – COPEC
Ƙungiyar Kare Haƙƙin Masu Amfani da Man Fetur a Ghana ta yi hasashen cewa akwai yiwuwar a samun ƙarin farashin man fetur a ƙasar a farkon watan Yulin 2024.
Ƙungiyar ta Chamber for Petroleum Consumers (COPEC) ta ce akwai alamu masu ƙarfi da ke nuna cewa farashin fetur da man dizel da gas zai ƙaru baki ɗaya a gidajen man da ke faɗin ƙasar, kamar yadda kamfanin watsa labarai na ƙasar Ghana ya ruwaito.
COPEC ɗin ta ce za a samu ƙarin farashin ne sakamakon yadda farashin Cedi ɗin a ƙasar ke ƙara karewa idan aka kwatanta da dalar Amurka.
COPEC ɗin ta yi hasashen cewa farashin man fetur ɗin wanda za a rinƙa sayarwa a gidan mai zai ƙaru da kashi 2.17 cikin 100, wanda hakan ke nufin zai ƙaru daga Cedi 14.17 zuwa Cedi 15.20 a duk lita.
Sai kuma farashin dizel ana sa ran ya ƙaru zuwa 15.21 a kowace lita ɗaya, sai kuma na gas ya koma tsakanin Cedi 13.24 zuwa Cedi 14.64 a duk kilo ɗaya.
KU KUMA KARANTA: Ɗan Ghana ya kafa tarihi na rungumar bishiyoyi a duniya
Ƙungiyar ta COPEC ta bayar da shawara ga gwamnatin Ghana da ta yi duk mai yiwuwa domin rage harajin da yake a kan gas ko kuma yin tallafi a farashinsa domin bayar da dama ga ‘yan ƙasar su same shi a farashi mai rahusa.
Ta kuma yi ƙira ga gwamnati da kada ta yi ƙasa a gwiwa wajen dawo da matatar mai ta Tema a kan aiki (TOR) don kaucewa ko kuma rage shigo tattacen man fetur wanda a wani lokacin ake samun gurɓatacce.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano