Hukumar kashe gobara ta Kano ta ceci rayuka 26 da kuɗi naira miliyan 17

Hukumar kashe gobara ta jihar Kano ta ce ta ceto rayuka 26 da dukiyoyi da kuɗinsu ya kai Naira miliyan 17 daga ɓarkewar gobara 22 da aka samu a watan Yuni.

Hakan na ƙunshe ne cikin wata sanarwa da jami’in hulɗa da jama’a na hukumar Saminu Abdullahi ya fitar ranar Talata a Kano.

Abdullahi ya bayyana cewa mutane tara ne suka mutu, yayin da gobarar da ta kai Naira miliyan 6.7 ta lalace a lokacin.

KU KUMA KARANTA: Jami’an kashe gobara sun ceto mutum 7 daga katangar da ta ruguje a Kano

“Hukumar ta amsa ƙiran ceto 18 da ƙararrawar ƙarya huɗu daga mazauna jihar,” in ji shi.

Kakakin ya shawarci jama’a da su riƙa kula da gobara tare da ci gaba da share magudanar ruwa domin gujewa abubuwan da ba a zata ba.