Hatsari
Hatsari ya rutsa da tawagar mataimakin gwamnan Sakkwato, wasu sun rasu
A yammacin ranar Laraba ne wani mummunan hatsari ya afku a jihar Sokoto wanda ya rutsa da ayarin mataimakin gwamna Idris Gobir, wanda yayi sanadin asarar rayuka biyu.
Wani ganau da ya nemi a sakaya sunansa yace, wata motar ‘yan sanda da ke cikin ayarin motocin ɗauke da jami’an yan sanda da mai ɗaukar hoto Buhari Tanko ta yi hatsarin.
Majiyar ta tabbatar da cewa jami’an ‘yan sandan da ba a tantance ko su waye ba da kuma mai ɗaukar hoto Tanko sun rasa rayukansu a wurin.
Da yake bayyana alhinin lamarin, majiyar ta ce, “Na tabbatar da cewa motar da ta yi hatsarin motar ‘yan sanda ce, inda mai ɗaukar hoton na tare da su a cikin mota lokacin da lamarin ya faru. Abin takaici ne kuma abin baƙin ciki ne.”
KU KUMA KARANTA: Mutum 11 sun mutu a hatsarin mota a Jigawa
A halin da ake ciki, Gwamna Ahmed Sokoto, tare da mataimakin gwamnan, ya jagoranci wata tawaga zuwa Sabon Birni domin gudanar da ayyuka.
Jami’in hulɗa da jama’a na rundunar ‘yan sandan jihar, ASP Ahmed Rufa’i, ya tabbatar da faruwar lamarin, inda ya bayyana cewa lamarin ya faru ne da wata mota a cikin ayarin mataimakin gwamnan.
Kuma an tabbatar da mutuwar direban motar, jami’in ‘yan sanda, tare da mutum ɗaya, mai ɗaukar hoto a cikin ayarin.
Mutanen da suka samu raunuka a hatsarin na ci gaba da karɓar magani a asibitin koyarwa na Jami’ar Usman Ɗanfodiyo da ke Sakkwato.
Hatsari
Jirgin sojin Najeriya ya faɗo a Kaduna
Jirgin sojin Najeriya ya faɗo a Kaduna
Wani jirgin sama na sojin Najeriya ya yi hatsari a ƙauyen Tami da ke yankin Karamar Hukumar Igabi a Jihar Kaduna.
Wani mazaunin yankin ya ce jirgin sojin mai sauƙar ungulu ne, kuma ya yi hatsari ne da misalin karfe 5 na asubar Litinin din nan.
Mazauna yankin sun bayyana cewa matukin ya fito daga cikin tarkacen jirgin da ya fado.
Bayan nan sojoji suka yi gaggawar zuwa suka yi wa yankin kawanya tare da fara bincike.
Sojojin sun kuma hana mutane isa wurin da tarkacen jirgin yake.
KU KUMA KARANTA: Najeriya ta dakatar da ayyukan kamfanin jirgin samanta
An ce jirgin yana tsaka da aikin sintiri a yankin ne ya samu matsala, lamarin da ya haddasa faduwarsa.
Kawo yanzu Hedikwatar Rundunar Sojin Sama ta Najeriya ba ta fitar da sanarwar game da lamarin ba.
Hatsari
Wani mummunan hatsari yayi sanadiyyar mutuwar mutane 16 daga cikin 18 da ke motar
Wata motar fasinja da ta taso daga Bauchi ta yi hatsari a Inugu kuma mutum 16 daga cikin fasinjoji 18 dake motar maza 14 mata 2 sun mųțtu, wasun su ma ba a iya gane su don sun ƙone ƙurmus.
‘Yan sanda sun ce lamarin ya faru da yammacin jiya Talata, 30 ga watan Afrilu a babban titin garin Ekwegbe.
KU KUMA KARANTA: Fasinjoji sun ƙone ƙurmus a hatsarin mota a Kogi
Motar ƙirar Toyota Hummer Bus ce 18 seater dauke da lambar Bauchi, DAS 215 XA, kuma an rubuta “Masha Allah” a jikin motar.
Don haka Kwamishinan yan sanda na Enugu ke roƙon jama’a duk wanda Allah yasa ya san wani daga cikin fasinjojin to a tuntubi rundunar a 08098880172 ko 08086671202
Gobara
Mutane da dama sun mutu, sakamakon fashewar tankar mai a Fatakwal
Ana fargabar mutane da dama sun rasa rayukansu bayan da wata tankar mai ta kama da wuta a hanyar East-West Road a birnin Fatakwal da ke jihar Rivers a kudancin Najeriya.
Jaridun Punch da na Vanguard sun ruwaito cewa lamarin ya faru ne da misalin ƙarfe 9:45 na daren Juma’a.
Bayanai sun yi nuni da cewa bayan da tankar ta mai ta kama da wuta, ta shafi motoci aƙalla goma da ke jerin cunkoson ababen hawa a birnin na Fatakwal.
KU KUMA KARANTA:Matatar man Fatakwal za ta koma bakin aiki cikin watan Afrilu – Kyari
Wani da ya shaida lamarin ya faɗawa jaridar Vanguard cewa ya ji ƙara har sau biyu masu firgitarwa daga baya kuma hayaƙi ya turnuƙe sararin samaniya.
“Idan kuna da ‘yan’uwa a Fatakwal ku ƙira su don ku ji lafiyarsu” Wani mazaunin birnin na Fatakwal mai suna Bassey Esang Don, ya wallafa a shafinsa na Facebook.
Ya zuwa lokacin haɗa wannan rahoto ba a san musabbabin fashewar da ta auku ba ko iya sanin adadin mutanen da suka mutu.
Faɗuwar tankar mai ta kama da wuta ba baƙon abu ba ne a Najeriya, inda a wasu lokuta mutane kan yi rububin zuwa kwasar man idan yana Malala.
Daga nan ne kuma akan samu akasi har wuta ta kama ta laƙume rayukan mutane.
Wannan al’amari na faruwa ne yayin da farashin mai ya ƙara tsada a Najeriya inda litar mai ta kusa kai wa Naira 1,000 a sassan ƙasar.
-
Kotu1 year ago
Kotu tayi watsi da ƙarar APC game da zaɓen Abba Gida Gida
-
Labarai9 months ago
Dalilin da ya sa na saka wa matata sasari – Wani magidanci a Potiskum
-
Ƙasashen Waje1 year ago
Ɗaliban Najeriya a Sudan sun nemi a kwaso su daga ƙasar
-
Labarai1 year ago
‘Yan banga sun kama wani mutum da ke yunƙurin sace yarinya a Kano