Labarai
Gwamnatin Edo ta ƙara albashi mafi ƙaranci zuwa dubu 40,000, ta rage ranakun aiki zuwa sau uku a mako
Gwamnatin jihar Edo ta sanar da cewa ta ƙara albashi mafi ƙaranci daga N30,000 zuwa naira dubu 40,000 duk wata domin rage raɗaɗin tattalin arziƙin da ake samu sakamakon cire tallafin man fetur.
Har ila yau, gwamnatin jihar ta bayyana cewa ta rage yawan kwanakin zuwa aiki daga sau biyar zuwa sau uku a cikin mako guda ga ma’aikatan jihar.
An bayyana hakan ne a wata sanarwa da aka fitar a ranar laraba, 7 ga watan Yuni.
Gwamnan jihar ta baiwa ma’aikata tabbacin cewa jihar za ta tallafa musu ta kowace hanya domin rage raɗaɗin tattalin arziƙi da cire tallafin da ake samu.
KU KUMA KARANTA: Ya kamata a duba batun ‘mafi ƙarancin albashi’, Tinubu ya gayawa gwamnonin APC
“Bayan cire tallafin man fetur da gwamnatin tarayya ta yi, farashin man fetur ya ƙaru a ƙasar wanda ya kai ga tashin farashin kayayyaki da ayyuka da kuma tsadar rayuwa baki ɗaya,” in ji ta.
“A matsayinmu na gwamnati mai fafutuka, tun daga nan muka ɗauki matakin ƙara mafi ƙarancin albashin ma’aikata a jihar Edo daga dubu 30,000 da aka amince da shi zuwa dubu 40,000, wanda shi ne mafi girma a ƙasar a yau.
“Muna so mu tabbatar muku da cewa za mu ci gaba da biyan wannan kuɗi, yayin da muke fatan ƙara yawan kuɗaɗen da za a samu idan aka samu ƙarin kaso daga gwamnatin tarayya a jihar mu bisa la’akari da tanadin da ake sa ran za a samu ta hanyar cire tallafin man fetur.
“Mun san wahalhalun da wannan manufa ta haifar wanda ya ƙara tsadar sufuri, tare da cin buri a cikin albashin ma’aikata a jihar.
“Saboda haka, gwamnatin jihar Edo za ta rage yawan kwanakin aiki da ma’aikatan gwamnati da na gwamnati za su riƙa zuwa wuraren ayyukansu daga kwana biyar a mako zuwa kwana uku a mako har sai an sanar da su.
Ma’aikata yanzu za su yi aiki daga gida kwana biyu a kowane mako, “in ji sanarwar.
Obaseki ya ƙara da cewa, jihar na kuma ƙoƙarin samar da ƙarin azuzuwan karatu, ta yadda za a rage tsadar zirga-zirgar iyaye da malamai da ɗalibai zuwa makaranta.
“Hukumar Edo SUBEB za ta bayar da cikakkun bayanai kan wannan shiri a cikin kwanaki masu zuwa.
Domin rage tsadar wutar lantarki ga jama’armu, za mu ci gaba da haɗa kai da kamfanonin wutar lantarki a jihar domin inganta samar da wutar lantarki ga gidaje da kasuwanci.
“Hakazalika, ana samar da hanyoyin haɗin ‘fiber optic’ don taimakawa mutanenmu suyi aiki daga nesa, ta yadda za su rage farashin sufuri.”
A baya jaridar Neptune Prime ta bayar da rahoton cewa shugaban ƙasa Bola Ahmed Tinubu ya sanar da dakatar da tallafin man fetur bayan da gwamnatin da ta shuɗe kawai ta yi tanadin tallafin har zuwa ƙarshen watan Yuni.
Sanarwar ta haifar da tashin gwauron zabin farashin man fetur daga manyan ‘yan kasuwar man da suka haɗa da Kamfanin Mai na Najeriya (NNPC) Limited.
An tuɓe wa ’yan sanda 5 kaki kan karɓar cin hanci
Rundunar ’yan sandan Najeriya ta tube wa wasu jami’an ta biyar kaki sakamakon zargin su da karɓar cin hancin kuɗi kimanin Naira miliyan uku.
Mataimakin Shugaban ’yan Sanda mai kula da Shiyya ta shida ta da ke Jihar Kuros Riba, Jonathan Towuru, ya sanar a Kalaba cewa ’yan sandan sun kwace kuɗin ne da bakin bindiga a hannun wani mai abin hawa.
A makon jiya ne aka zargi jami’an da ƙwayar kuɗin da bakin bindiga a hannun wani mutum da rundunar ta sakaya sunansa.
Yanzu haka waɗanda ake zargin an tuɓe masu kaki amma ana tsare da su ana bincike, da zarar an same su da laifi kotu za a turasu ta yanke masu hukuncin da ya dace.
KU KUMA KARANTA: ’Yan sanda za su tantance ’yan banga a Yobe
Mataimakin shugaban ’yan sandan ya ce waɗanda ake zargin su da karɓar cin hancin kuɗi Naira milyan uku daga wannun wani.
Ko a kwanan baya irin haka ta taba faruwa a kan babbar hanyar Kalaba zuwa Ikom inda aka kama wasu ’yan sanda kan karbar na goro.
Tafiya a kan hanyar na yawan zargin ’yan sanda da kula da shingen bincike a kan hanyar da yawan tatsar su kuɗi.
Ƙaramar Hukumar Kwami ta kafa kwamitin tsaro saboda rikicin manoma
A ƙoƙarinsa na kauce wa rikicin manoma da makiyaya da ke yawan faruwa a lokacin damuna, Shugaban Karamar Hukumar Kwami a Jihar Gombe, Dakta Ahmed Wali Doho, ya kafa kwamitin tsaro da sanya ido kan ɓangarorin.
Da yake zantawa da manema labarai a ofishinsa da ke garin Malam Sidi, shugaban karamar hukumar, ya bukaci manoma da su guji noma burtalolin shanu, wanda hakan ke haifar da rikici tsakaninsu da makiyaya, da ke haifar da asarar rayuka.
Su ma makiyayan ya gargade su da cewa su guji shiga gonakin manoma, saboda hakan ne ke jawo rikici idan suka cinye musu amfanin gona.
A cewarsa, lokacin girbi me aka fi samun rikicin manoma da makiyayan, saboda haka kwamitin zai ci gaba da sa ido daga yanzu har zuwa lokacin girbin don ganin ba a samu rikici ba.
KU KUMA KARANTA: Gwamna Yusuf ya amince da sayen taki na naira biliyan 5 don manoman Kano
Ya ƙara da cewa, kusancin garin Kwami da rafi ya sa ya zama wuri mai kyau don noman rani.
Don haka ya ja hankalin manoman yankin da su yi amfani da wannan damar wajen bunkasa tattalin arzikinsu.
Ya jaddada cewa noman rani na da matukar muhimmanci wajen magance matsalar karancin abinci a Najeriya.
Hakan ne ya sa suka haɗa kan matasan yankin don su fara noman rogo da zai taimaka wajen shawo kan matsalar ƙarancin abinci da rage wa manoma tsadar takin zamani.
’Yan sanda za su tantance ’yan banga a Yobe
Rundunar ’yan sandan jihar Yobe ta ƙaddamar da shirin yin gyara da kuma tantance ’yan banga domin kawar da ɓata-garin cikin
Rundunar ’yan sandan jihar Yobe ta ƙaddamar da shirin yin gyara da kuma tantance ’yan banga domin kawar da bata-gari a cikinsu.
Kwamishin ’yan sandan jihar, Garba Ahmed, ya sanar da shirin bayan an kama wasu ’yan banga uku da aikata manyan laifuka.
Ya jaddada muhimmancin sake duba ayyukan ’yan banga a jihar, duk da muhimmiyar rawar da suke takawa wajen taimaka wa jami’an tsaro a yaki da miyagun laifuka.
Ya ce yin gyaran da kuma tantancewa ya zama dole sakamakon ƙorafe-ƙorafen neman yin hakan daga jama’a.
Ya bayyana cewa jama’a sun yi ƙiran ne bayan kama wasu ’yan banga uku da laifin hada baki wajen shiga gida, sata, ƙwace da kuma sayar da kayan sata a Damaturu.
Wata sanarwa da DSP Dungus Abdul Karim, kakakin rundunar, ya fitar, ta ce wasu daga cikin ’yan banga sun kai korafi bayan faruwar lamarin.
KU KUMA KARANTA: Ƴan bindiga sun kashe mutum 12 a Kaduna, sun kai hari a ofishin ƴan sanda a Zamfara
“A ranar 27 ga watan Yuni, 2024, rundunar ta amsa kiran wani mai shago a Damaturu, wanda ya dauki ’yan banga aikin gadi, amma suka kwashe kayan shagon na makudan kudade ba tare da bayani ba.
“Bincike ya kai ga kama wasu mutane biyu da kayan sata da ake zargin sun saya ne daga wani dan banga wanda nan take aka kama shi.
“Ana shawarta jama’a da su yi taka-tsan-tsan wajen daukar masu gadi, sannan su kai rahoton ’yan banga da aka ga suna aikata laifi a bakin aikinsu.”
Sanarwar ta ci gaba da cewa, rundunar tana ɓullo da tsare-tsare don daukar bayanan ’yan banga domin sa ido kan ayyukansu.
Ta ci gaba da cewa ofisoshin ’yan sanda na yankuna da ke jihar za su jagoranci wannan aikin tantancewan domin kawar da baragurbi a cikin ’yan banga.
“Don haka ake ƙira ga jama’a da su ci gaba da tallafa wa ’yan sanda wajen jainrahoton ayyukan jami’an tsaron da ba su dace ba a hedkwatar jihar ta lamba 07068858500, ko kuma a gabatar da wasikar korafin ga kwamishinan ’yan sanda ta hanyar kakakin rundunar,” in ji sanarwar.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano