Labarai
Gwamnati ta sasanta tsakanin manoma da makiyayan masarautar Kaltungo a jihar Gombe
Wata babbar tawagar gwamnatin jihar Gombe ƙarƙashin jagorancin mataimakin gwamnan jihar, Manasseh Daniel Jatau, ta ziyarci masarautar Kaltungo domin samar da zaman lafiya tsakanin Fulani makiyaya da manoman Tangale biyo bayan rikicin baya-bayan nan da ya ɓarke tsakanin al’umomin biyu.
Mataimakin gwamnan wanda ya koka kan rikicin manoma da makiyaya a garin Lapan da ke ƙaramar hukumar Shongom ta jihar, ya ce abin na dabbanci ne da rashin tausayi.
Taron wanda ya gudana a fadar Mai Kaltungo, Injiniya Saleh Mohammed da Lapan a ƙaramar hukumar Shongom, ya biyo bayan wani faɗa ne da wasu mutane biyu suka yi a kan gonaki, lamarin da ya haifar da tashin hankali da faɗa tsakanin manoma da makiyaya.
KU KUMA KARANTA: Yadda jami’an DSS suka harbe matashi a taron siyasa a Gombe
Sai dai ziyarar da gwamnatin jihar ta kai na da nufin jawo hankalin al’umma kan buƙatar zaman lafiya a tsakaninsu.
A cewar mataimakin gwamnan, lamarin abin takaici ne matuƙa yadda za a ga mutanen da ke da’awar Allah da addini suna aikata wannan aika-aika ga bil’adama.
Ya ce, “A cikin hotunan da na gani game da ayyukan dabbanci da aka yi a wuraren da abin ya shafa a Lapan, ba abin mamaki ba ne cewa waɗanda suka aikata waɗannan iƙirari sun san Allah.
Addini yana koya mana game da Allah da ‘yan Adam, amma inda babu irin wannan sani a cikin halayenmu mun zama mafi muni fiye da waɗanda ba su yi imani da rayuwa a Lahira ba”.
Da yake yabawa Mai Kaltungo kan yadda a kodayaushe yake nuna son zaman lafiya da haɗin kai, Manasseh Jatau ya sha alwashin cewa gwamnati ba za ta bari waɗanda suka haddasa rikicin ba a hukunta su.
Ya ce, “Za mu tabbatar da gurfanar da duk wanda aka samu da laifi kai tsaye ko kuma a fakaice da kuma tabbatar da an hukunta shi don fuskantar fushin doka don ya zama hana wasu.”
Injiniya Saleh Mohammed da yake jawabi a fadarsa da ke ƙaramar hukumar Kaltungo da kuma Lapan, ƙaramar hukumar Shongom, Mai Kaltungo, Injiniya Saleh Mohammed ya ce, Tangale da Fulani, (manoma da makiyaya) a yankin sun zauna lafiya tsawon shekaru da dama. yana mamakin abin da ya same su da aka kama su a cikin yanar gizo na rikice-rikice.
Ya ce, mutane biyun da ake zargin su ne asalin rikicin sun yi ta fama da raunata kansu kuma jami’an tsaro sun kama su, yana mamakin dalilin da ya sa wasu suka yi amfani da wannan damar wajen ta’azzara rikicin.
Shugaban makiyayan ƙaramar hukumar Kaltungo, Shugaba Alhaji Badikko Daudu wanda wannan al’amari yafaru da al’amarin ya ɓata musu rai.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Manoma a Maiduguri sun roƙi sojoji da su ƙara musu wa’adin aikin gona | Neptune Prime Hausa