Gwamnan Yobe ya naɗa Ismaila Gadaka a matsayin sabon Sarkin Gudi
Gwamnan jihar Yobe, Hon. Dakta Mai Mala Buni, CON, ya amince da naɗin Hon. Ismaila Ahmed Gadaka a matsayin sabon sarkin Gudi, bayan rasuwar marigayi sarki, Alhaji Isa Bunuwa Madugu Ibn Khaji, wanda ya rasu bayan ya sha fama da rashin lafiya.
Sabon sarkin gargajiyan, Hon. Gadaka, yana da ƙwarewa a cikin ayyukan gwamnati da kuma kamfanoni masu zaman kansu. Ya taɓa zama ɗan majalisar wakilai mai wakiltar mazaɓar Fika/Fune ta tarayya daga shekarar 2011 zuwa 2019, sannan ya zama kwamishinan gwamnatin jihar Yobe daga 2007 zuwa 2010.
KU KUMA KARANTA: Allah Ya yiwa mai martaba Sarkin Gudi Alhaji Isah Bunowo rasuwa
Gogaggen ma’aikacin banki, Hon. Gadaka ya riƙe muƙamai a bankin United Bank for Africa (UBA) da Standard Trust Bank, inda ya kai matsayin Manajan Kasuwanci. A halin yanzu yana shugabantar kwamitin gudanarwa na Kwalejin Ilimi ta Tarayya da ke Yawuri a Jihar Kebbi, da kuma Kwamitin Kula da Ayyukan Kananan Hukumomin Jihar Yobe, dukkan ayyukan da ya yi a shekarar 2024. Kafin wannan naɗin, shi ne yake riƙe da sarautar gargajiya ta Yariman Gudi.
Gwamna Buni ya bayyana ƙwarin gwiwar cewa sabon Sarkin Gudi a fannin mulki da shugabancin gargajiya zai taimaka wajen ci gaba da ci gaba da kawo zaman lafiya a masarautar Gudi.
