Labarai
Gwamnan Osun ya tsallake rijiya da baya, yayin da jirgin da yake ciki ya kama da wuta
Rahotanni sun bayyana cewa Gwamna Ademola Adeleke na jihar Osun da muƙarrabansa sun tsallake rijiya da baya a wani hatsarin jirgin sama bayan jirgin da suka shiga, ya kama wuta daf da tashinsa.
Wani rahoto da jaridar Leadership ta fitar, ya nuna cewa, a ranar Talata, 5 ga Satumba, 2023, wani Bombadier Global Express 6000, mallakin hamshaƙin attajirin ɗan kasuwa, Cif Adedeji Adeleke, ya kama wuta a tashar tashin jirgin sama na Murtala Mohammed International Airport (MMIA) a Legas.
Cif Adeleke shi ne mahaifin mawaƙi, David Adeleke, wanda aka fi sani da Davido, kuma ɗan uwa ne ga gwamnan jihar Osun, Ademola Adeleke.
KU KUMA KARANTA: Jirgin ƙasa ya tsallake rijiya da baya a hanyar Abuja zuwa Kaduna (Bidiyo)
Lamarin ya faru ne a sashin gida na filin jirgin da misalin ƙarfe tara na safe a daidai lokacin da jirgin ke shirin tashi daga Legas zuwa Abuja.
Rahoton ya bayyana cewa jirgin da Gwamna Adeleke da muƙarrabansa da ke cikin jirgin, an tuƙa shi ne zuwa ƙarshen titin jirgin daf da tashinsa, sai aka ji ƙarar fashewar wani abu daga injin jirgin.
Rahoton ya ƙara da cewa, kafin tashin jirgin, an ajiye jirgin ne a babban ma’aikatar sufurin jiragen sama na Executive Jet.
Sam Iwuajoku, babban jami’in gudanarwa (CEO), Executive Jets, waɗanda suka mallaki hangar da aka ajiye jirgin mai zaman kansa, ya bayyana cewa jirgin na Cif Adeleke ya samu Lalacewar Abun Wuta (FOD) wanda ya sa jirgin ya yi zafi sosai, wanda ya haifar da tashin hankali fashewar.
“Lokacin da aka tashi, injin yana da zafi sosai kuma ya faru ne sakamakon gijen tsuntsu a ɗaya daga cikin injinan jirgin. Ya faru ne lokacin da aka ajiye jirgin ba a rufe shi yadda ya kamata ba, tsuntsaye za su gina gida kuma duk abin da suka kawo cikin injin jirgin zai iya haifar da zafi mai tsanani” Sam Iwuajoku ya shaida wa jaridar.
Ya faru da ɗaya daga cikin jirgin sama na a 2021, dole ne muka cire injin kuma muka kai injin ƙasar Jamus tsawon watanni 14 ana gyaransa. Don haka, abu ne gama gari a Afirka saboda muna da tsuntsaye a kusa, ”in ji shi.
An tuɓe wa ’yan sanda 5 kaki kan karɓar cin hanci
Rundunar ’yan sandan Najeriya ta tube wa wasu jami’an ta biyar kaki sakamakon zargin su da karɓar cin hancin kuɗi kimanin Naira miliyan uku.
Mataimakin Shugaban ’yan Sanda mai kula da Shiyya ta shida ta da ke Jihar Kuros Riba, Jonathan Towuru, ya sanar a Kalaba cewa ’yan sandan sun kwace kuɗin ne da bakin bindiga a hannun wani mai abin hawa.
A makon jiya ne aka zargi jami’an da ƙwayar kuɗin da bakin bindiga a hannun wani mutum da rundunar ta sakaya sunansa.
Yanzu haka waɗanda ake zargin an tuɓe masu kaki amma ana tsare da su ana bincike, da zarar an same su da laifi kotu za a turasu ta yanke masu hukuncin da ya dace.
KU KUMA KARANTA: ’Yan sanda za su tantance ’yan banga a Yobe
Mataimakin shugaban ’yan sandan ya ce waɗanda ake zargin su da karɓar cin hancin kuɗi Naira milyan uku daga wannun wani.
Ko a kwanan baya irin haka ta taba faruwa a kan babbar hanyar Kalaba zuwa Ikom inda aka kama wasu ’yan sanda kan karbar na goro.
Tafiya a kan hanyar na yawan zargin ’yan sanda da kula da shingen bincike a kan hanyar da yawan tatsar su kuɗi.
Ƙaramar Hukumar Kwami ta kafa kwamitin tsaro saboda rikicin manoma
A ƙoƙarinsa na kauce wa rikicin manoma da makiyaya da ke yawan faruwa a lokacin damuna, Shugaban Karamar Hukumar Kwami a Jihar Gombe, Dakta Ahmed Wali Doho, ya kafa kwamitin tsaro da sanya ido kan ɓangarorin.
Da yake zantawa da manema labarai a ofishinsa da ke garin Malam Sidi, shugaban karamar hukumar, ya bukaci manoma da su guji noma burtalolin shanu, wanda hakan ke haifar da rikici tsakaninsu da makiyaya, da ke haifar da asarar rayuka.
Su ma makiyayan ya gargade su da cewa su guji shiga gonakin manoma, saboda hakan ne ke jawo rikici idan suka cinye musu amfanin gona.
A cewarsa, lokacin girbi me aka fi samun rikicin manoma da makiyayan, saboda haka kwamitin zai ci gaba da sa ido daga yanzu har zuwa lokacin girbin don ganin ba a samu rikici ba.
KU KUMA KARANTA: Gwamna Yusuf ya amince da sayen taki na naira biliyan 5 don manoman Kano
Ya ƙara da cewa, kusancin garin Kwami da rafi ya sa ya zama wuri mai kyau don noman rani.
Don haka ya ja hankalin manoman yankin da su yi amfani da wannan damar wajen bunkasa tattalin arzikinsu.
Ya jaddada cewa noman rani na da matukar muhimmanci wajen magance matsalar karancin abinci a Najeriya.
Hakan ne ya sa suka haɗa kan matasan yankin don su fara noman rogo da zai taimaka wajen shawo kan matsalar ƙarancin abinci da rage wa manoma tsadar takin zamani.
’Yan sanda za su tantance ’yan banga a Yobe
Rundunar ’yan sandan jihar Yobe ta ƙaddamar da shirin yin gyara da kuma tantance ’yan banga domin kawar da ɓata-garin cikin
Rundunar ’yan sandan jihar Yobe ta ƙaddamar da shirin yin gyara da kuma tantance ’yan banga domin kawar da bata-gari a cikinsu.
Kwamishin ’yan sandan jihar, Garba Ahmed, ya sanar da shirin bayan an kama wasu ’yan banga uku da aikata manyan laifuka.
Ya jaddada muhimmancin sake duba ayyukan ’yan banga a jihar, duk da muhimmiyar rawar da suke takawa wajen taimaka wa jami’an tsaro a yaki da miyagun laifuka.
Ya ce yin gyaran da kuma tantancewa ya zama dole sakamakon ƙorafe-ƙorafen neman yin hakan daga jama’a.
Ya bayyana cewa jama’a sun yi ƙiran ne bayan kama wasu ’yan banga uku da laifin hada baki wajen shiga gida, sata, ƙwace da kuma sayar da kayan sata a Damaturu.
Wata sanarwa da DSP Dungus Abdul Karim, kakakin rundunar, ya fitar, ta ce wasu daga cikin ’yan banga sun kai korafi bayan faruwar lamarin.
KU KUMA KARANTA: Ƴan bindiga sun kashe mutum 12 a Kaduna, sun kai hari a ofishin ƴan sanda a Zamfara
“A ranar 27 ga watan Yuni, 2024, rundunar ta amsa kiran wani mai shago a Damaturu, wanda ya dauki ’yan banga aikin gadi, amma suka kwashe kayan shagon na makudan kudade ba tare da bayani ba.
“Bincike ya kai ga kama wasu mutane biyu da kayan sata da ake zargin sun saya ne daga wani dan banga wanda nan take aka kama shi.
“Ana shawarta jama’a da su yi taka-tsan-tsan wajen daukar masu gadi, sannan su kai rahoton ’yan banga da aka ga suna aikata laifi a bakin aikinsu.”
Sanarwar ta ci gaba da cewa, rundunar tana ɓullo da tsare-tsare don daukar bayanan ’yan banga domin sa ido kan ayyukansu.
Ta ci gaba da cewa ofisoshin ’yan sanda na yankuna da ke jihar za su jagoranci wannan aikin tantancewan domin kawar da baragurbi a cikin ’yan banga.
“Don haka ake ƙira ga jama’a da su ci gaba da tallafa wa ’yan sanda wajen jainrahoton ayyukan jami’an tsaron da ba su dace ba a hedkwatar jihar ta lamba 07068858500, ko kuma a gabatar da wasikar korafin ga kwamishinan ’yan sanda ta hanyar kakakin rundunar,” in ji sanarwar.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano