Gwamnan jihar Kano, Abba Kabir Yusuf wanda aka fi sani da Abba Gida Gida ya naɗa sabbin mataimaka na musamman 15 a majalisarsa.
A cewar wata sanarwa da babban sakataren yaɗa labarai na gwamnan jihar Kano, Sanusi Bature Dawakin Tofa, ya fitar a ranar Talata, naɗe-naɗen za su fara aiki nan take.
Sanarwar ta ƙara da cewa: Ranar Talata 18 ga Yuli, 2023 Gwamnan Jihar Kano, Mai Girma Alhaji Abba Kabir Yusuf ya amince da naɗin waɗannan mutane a matsayin masu ba shi shawara na musamman kan fannoni daban-daban.
KU KUMA KARANTA: Gwamnan Kano ya dakatar da ma’aikata dubu 10, waɗanda Ganduje ya ɗauka aiki
- Col. Abubakar Usman Garin Malam Rtd. Mashawarci na Musamman, kan Kula da Gurɓatar yanayi.
- Malam Usamatu Salga, mai ba da shawara na musamman kan harkokin addini I.
- Hon. Abduljabbar Muhammad Umar , Mashawarci na Musamman akan Zuba Jari da Haɗin Kai na Jama’a.
- Hon. Aminu Abba Ibrahim, mai ba da shawara na musamman kan ma’adanai masu ƙarfi.
- Injiniya Nura Hussain, mai ba da shawara na musamman kan harkokin kasuwanci.
6. Hon. Jamilu Abbas, Mai Ba da Shawara na Musamman kan kasuwanci.
- Hon. Muhammad Jamu Yusuf, mai ba da shawara na musamman kan hulɗa da jama’a na ƙasa da ƙasa.
- Balarabe Ibrahim Gaya, mai ba da shawara na musamman, kan shirye-shirye na musamman.
- Rt. Hon. Isyaku Ali Danja, mai ba da shawara na musamman kan harkokin majalisa.
- Comrade Baffa Sani Gaya, mai ba da shawara na musamman kan harkokin ƙwadago.
- Engr. Abdullahi Shehu, mai ba da shawara na musamman kan tsaftar muhalli.
- Hon. Umar Musa Gama, mai ba da shawara na musamman kan shirin ciyar da makaranta.
- Hon. Habibu Hassan Elyakub, mai ba da shawara na musamman kan bunƙasa ilimin sana’a.
- Hon. Jamilu Abubakar Dambatta, Mashawarci na Musamman akan Yaɗa Labarai.
- Hon. Umar Uba Akawu, mai ba da shawara na musamman, ofishin hulɗa da jama’a na Abuja.
