Al'ajabi
Guguwa mai ƙarfi ta kashe mutane 11 a Pakistan
![](https://neptuneprimehausa.com/wp-content/uploads/2023/05/IMG-20230528-WA0027.jpg)
Wata mahaukaciyar guguwa mai ƙarfin gaske ta kashe aƙalla mutane 11 daga wata ƙabilar makiyaya ciki har da wani yaro ɗan shekara huɗu suka mutu sakamakon mahaukaciyar guguwa a arewacin Pakistan.
Dusar ƙanƙara ta faɗo a lokacin da ƴan ƙungiyar suka tsallaka wani yanki mai tsaunuka tare da garken awakinsu.
An kuma samu jikkatar wasu mutane 25, inda ake ci gaba da aikin ceto.
Firaministan Pakistan Shehbaz Sharif ya bayyana alhininsa game da mutuwar mutanen, inda ya ce al’amura irin su ƙanƙara na ƙaruwa saboda sauyin yanayi.
Ruwan sama kamar da bakin ƙwarya ya auku ne da sanyin safiyar ranar Asabar a wani ɓangare na hanyar da ta bi ta gundumar Astore na yankin Gilgit Baltistan zuwa maƙwabciyarta Azad Kashmir, a yankin Kashmir da ke ƙarƙashin Pakistan.
KU KUMA KARANTA: Ruwan sama ya kashe mutane 7, ya raunata da dama a Delta
Wasu mata huɗu da yaro ɗan shekara huɗu na daga cikin waɗanda suka mutu, kamar yadda babban jami’in ‘yan sanda Ziarat Ali, ya faɗa wa kamfanin dillancin labarai na AFP.
Jami’an aikin ceto sun fuskanci ƙalubale saboda nisa da kuma wahalar zuwa da yankin yake da shi.
Al'ajabi
An ƙona mutane suna Sallar Asuba a masallaci a Kano
![](https://neptuneprimehausa.com/wp-content/uploads/2024/05/IMG_20240516_080850.jpg)
An ƙona mutane suna Sallar Asuba a masallaci a Kano
Rundunar ‘yan sandan jihar Kano a arewacin Najeriya ta ce ta kama wani mutum da ake zargi da cinna wa wani masallaci wuta yayin da mutane ke Sallar Asuba ranar Laraba.
Lamarin ya faru ne a ƙauyen Gadan da ke Ƙaramar Hukumar Gezawa a jihar ta Kano, da misalin karfe 5:20 lokacin da ake sallah, a cewar sanarwa ‘yan sanda.
Kakakin rundunar ‘yan sandan jihar Kano, Abdullahi Haruna Kiyawa ya tabbatar wa da TRT Afrika Hausa faruwar lamarin da kama mutumin da ake zargi, sai dai ya ce ana ci gaba da gudanar da bincike.
Abdullahi Kiyawa ya ce bincike ya nuna cewa mutumin da ake zargi da cinna wutar Shafi’u Abubakar mai kimanin shekaru 38 ya jefa wata roba ne ɗauke da fetur cikin masallacin, sannan ya cinna wuta.
KU KUMA KARANTA: Mahara a Anambara sun ƙona fadar babban Basarake ƙurmus
Kakakin ‘yan sandan ya ce mutum 24 ne suka ƙone a masallacin, da suka haɗar da manya 20, yara huɗu.
An garzaya da duka waɗanda suka jikkata zuwa asibiti don ba su kulawa, amma babu wanda ya mutu a haɗarin, a cewar sanarwar ‘yan sandan.
Al'ajabi
An tsinci gawar wata ɗaliba a cikin ɗaki a Kano
![](https://neptuneprimehausa.com/wp-content/uploads/2024/05/Screenshot_20240503-073431_1.jpg)
An tsinci gawar wata ɗaliba mai suna Aisha Yahaya ta Jami’ar Kimiyya da Fasaha ta Aliko Ɗangote da ke Wudil, a wani gida da ke wajen jami’ar.
Aisha, ɗaliba ce da ke matakin karatu na uku wato ‘level 300’ a sashen nazarin Kimiyya da Fasahar Abinci na jami’ar wadda aka tsinci gawarta bayan ta koma ɗakinta.
An ce ɗalibar ta rubuta jarrabawarta ta farko a zangon karatun na farko da ake yi a jami’ar.
Wasu daga cikin abokan karatunta sun danganta mutuwarta da shiga cikin matsi da damuwa a dalilin karatu da kuma zana jarrabawar.
A cikin wasiƙar ta’aziyyar, hukumar jami’ar ta bayyana matuƙar baƙin cikinta dangane da rasuwar Aisha Yahaya.
KU KUMA KARANTA: An tsinci gawar wani mutum a kan titi a Kano
Sanarwar ta ce, “Aisha ɗaliba ce mai hazaƙa wadda ta rasu a dalilin bugun zuciya. Za a riƙa tunawa da ita a kan sha’awarta na karatu da jajircewarta kan harkokin karatunta.”
Jami’ar ta ƙara da cewa, ba a iya gano wata da ke tattare da ita ba gabanin mutuwarta saboda ba ta nuna alamun rashin lafiya ko fama da wata cuta ba.
Al'ajabi
Tabar kolarado ta kashe budurwa a Anambara
![](https://neptuneprimehausa.com/wp-content/uploads/2024/05/Screenshot_20240501-071033_1.jpg)
Wata budurwar ta mutu bayan ta yi wa tabar kolarado shan Allah tsine uwar mai ƙarya.
Budurwar, wadda har yanzu ba a bayyana sunanta ba ta mutu bayan shan tabar ce a karshen mako a Awka, babban birnin jihar Anambra.
Wani bidiyon da ke yawo a kafafen sada zumunta ya nuna gawar budurwa a yashe a gefen titi.
Shaidu da ke tare da ita lokacin da abin ya faru sun bayyana cewa da farko bayan ta sha tabar ta suma.
A dalilin haka jama’a suka ba ta garin rogo da yawa ta sha ta farfaɗo, daga bisani ta ƙara zuwa ta sha tabar.
KU KUMA KARANTA: Rikici a kan tabar wiwi ya yi ajalin mutum ɗaya a Gombe
Sha tabar da ta kara yi ne ya birkita ta, inda har ta riƙa tuɓe kayanta tana watsarwa, mutane suka riƙa bin ta suna rufe mata tsiraici kafin daga bisani ta kwanta ta ce ga garinku nan.
Da aka tuntubi kwamandan hukumar yaki da sha da fataucin miyagun kwayoyi ta kasa (NDLEA) a Jihar Anambra, Daniel Onyishi, ya bayyana irin wannan lamari a matsayin daya daga cikin manyan illolin shaye-shayen miyagun kwayoyi da kuma yadda suke halaka matasa.
A cewarsa, tabar kolorado na da hatsarin gaske ga lafiyar al’umma, da suke lalata rayuwa, su mayar da mutum mara amfani a cikin al’umma.
Ya bayyana cewa ‘kolorado’ tana zama wani irin bala’i da in mutum bai sha ba, sai ya ji kamar zai mutu.
-
Kotu1 year ago
Kotu tayi watsi da ƙarar APC game da zaɓen Abba Gida Gida
-
Labarai9 months ago
Dalilin da ya sa na saka wa matata sasari – Wani magidanci a Potiskum
-
Ƙasashen Waje1 year ago
Ɗaliban Najeriya a Sudan sun nemi a kwaso su daga ƙasar
-
Labarai1 year ago
‘Yan banga sun kama wani mutum da ke yunƙurin sace yarinya a Kano
Pingback: Hukumar ba da agajin gaggawa ta tarayya ta yi gargaɗin samun iska mai ƙarfi a jihohi 12 | Neptune Prime Hausa
Pingback: Guguwar iska ta lalata gonakin kaji, ta kashe tsuntsaye dubu uku a Filato | Neptune Prime Hausa
Pingback: Guguwar Haikui ta mamaye yankin Taiwan, ta jiklata mutane da dama | Neptune Prime Hausa